रञ्जन अधिकारी पोखरा, १ फागुन / अन्नपूर्ण गाउँपालिका ढिकुरपोखरी वडा नं. ३ मा एउटा पनि खेलमैदान थिएन । पाउँदुर सहित मास्तोक, डहरमुनी, रानीथोक, ढुंगामुन, मुलाथरे, काउले, पुरानो मैदानका युवाहरुलाई खेल्ने मैदानको अभाव थियो । अब पाउँदुरमा भिरालो जमिन सम्याएर ठूलो खेलमैदान बनिरहेको छ ।
स्थानीय लक्ष्मी प्राथमिक विद्यालय परिसरमै बनिरहेको उक्त मैदानबाट विद्यार्थी समेत लाभान्वित हुनेछन् । स्थानीय समाजसुधार युवा परिवारको सक्रियता तथा पश्चिमाञ्चल क्षेत्रीय खेलकूद विकास समितिका अध्यक्ष खगराज पौडेल र कास्कीका प्रमुख जिल्ला अधिकारी तारानाथ अधिकारीको पहलमा खेल मैदान निर्माण सुरु भएको हो । क्षेत्रमा खेलकुद विभागको नेतृत्व लिईरहँदा खेल्नकै लागि आफ्नै गाउँमा मैदान बनाउँदा सबैभन्दा खुशी अध्यक्ष पौडेल नै छन् ।
मैदान निर्माणका लागि धमाधम काम भईरहेको छ । अहिले जग्गा सम्याउने काम चलिरहेको छ । १५ दिनभित्रै जग्गा सम्याएर दुबो लगाउने काम, तारजाली लगाउने काम सुरु हुने पौडेलले बताए । १३ रोपनी क्षेत्रफलमा रहेको भिरालो जमिनलाई सम्याउन १३ लाख लाग्ने प्रारम्भिक अनुमान गरिएको छ ।
मैदान निर्माणका लागि निर्माण व्यवसायी संघ, नेपाल डोजर एसोसियन, लगायत सहयोगीसँग डोजर तथा एक्साभेटर उपलब्ध गराई सहयोग गरेको छ । जमिन सम्याईसकेपछि सपोर्टका लागि ग्याभिन जालीको प्रयोग समेत गरिने उनले जानकारी दिए । यसका लागि जलउत्पन्न प्रकोप नियन्त्रण कार्यालय कास्कीले सहयोग गर्ने उनले बताए ।
उक्त क्षेत्रमै अहिलेसम्म कुनै पनि खेल मैदान नभएको अवस्थामा अब मैदान निर्माणपछि स्थानीय बालबालिका तथा यूवाहरुका लागि विभिन्न प्रतियोगिता सञ्चालनका लागि सहयोग पुग्ने समाजसुधार यूवा क्लबका संस्थापक अध्यक्ष अध्यक्ष इन्द्र पौडेलले बताए । वर्तमान अध्यक्ष ओमप्रसाद पौडेलसँगै स्थानीयले श्रमदान गरिरहेका छन् । जाली लगाएर सम्याईसकेपछि दुबो लगाउने काम हुनेछ ।
८५ मिटर लम्बाई र ४१ मिटर चौडाई रहने उक्त मैदानमा फुटबल र भलिबल समेत खेल्न मिल्ने अध्यक्ष पौडेलले बताए । प्राविधिक सहयोग सबै क्षेत्रीय खेलकुद विकास समितिको छ । हालसम्म ६० प्रतिशत काम सम्पन्न भईसकेको छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग