बागलुङ जिल्लाको ढोरपाटन नगरपालिकास्थित भुजीखोलामा आएको बाढीमा परी फेला परेका १४ मध्येमध्ये १३ जनाको शव शनाखत भएको छ । एक जनाको शव शनाखत हुन बाँकी छ । शव क्षतविक्षत अवस्थामा रहेका कारण पहिचानमा ढिलाई भइरहेको प्रहरीको भनाइ छ ।
पहिचान भएकामा ढोरपाटन नगरपालिका वडा नं. ९ घर भएकी २३ वर्षिया दिलमाया पुन, ३१ बर्षिया रिमकुमारी घर्ति मगर, ३२ बर्षिया सिता बुढा, वडा नं. ९ कै २६ वर्षिया केशमाया बिक, ११ वर्षिय मदन बिक, २२ बर्षिय जीवन बिक र ११ बर्षिय डल्ले बिकको शव आवश्यक कानुनी प्रक्रिया पु¥याएर आफन्तको जिम्मा लगाइएको इलाका प्रहरी कार्यालय बुर्तिबाङका प्रहरी निरीक्षक प्रकाशसिंह भण्डारीले जानकारी दिए ।
त्यसैगरि, ६ बर्षिय बिराज बिक, २३ बर्षिया दिलमाया पुन, ३१ बर्षिय प्रेम पुन, १३ बर्षिया पुनि बिक, ६५ बर्षिय डोटी पुन र ४६ बर्षिय करबहादुर बिकको पहिचान गरि जिम्मा लगाइएको भण्डारीले बताए ।
बाढीमा परेका अझै २४ जना बेपत्ता छन् । बुधबार राति ढोरपाटनको देउराली छेउको पहाड खसेर खोला थुनिएर फुटेपछि भुजीखोलामा भीषण बाढी आएको थियो । बाढीले ७० भन्दा बढी घरमा क्षति पु¥याएको छ । बाढीमा परेका ४ जनाको घाइते अवस्थामा उद्धार गरिएको छ । तीमध्ये गम्भीरावस्थामा रहेका ढोरपाटन –९ का महेन्द्र पुनको प्राथमिक स्वास्थ्य केन्द्र बुर्तिबाङमा उपचार भइरहेको छ ।
बाढीले ढोरपाटन–९ स्थित लाँकुरीबोट स्वास्थ्यचौकीको भवन, जनचेतना प्रावि, सरस्वती प्रावि, भुजीखोला लघुजलविद्युत् आयोजनाका ५ शाखामध्ये ४ भवन, सडक छेउमा पार्किङ गरेर राखिएको १ जीप र मोटरसाइकल बगाएको छ ।
सम्बन्धित खबर
बागलुङमा ५६ हजार ‘मेट्रिकटन’ आलु उत्पादन
दसैंका बेला बागलुङ कालिका मन्दिरमा ४५ लाख भेटी संकलन
बागलुङको छुर्पी अमेरिका निर्यात
बागलुङको छुर्पी अमेरिका निर्यात
ढोरपाटनमा सिकारका लागि पहिलो याम सुरु, झण्डै डेढ करोड राजस्व आम्दानी
जीर्णोद्वारपछि चिटिक्क गलकोट दरबार, पर्यटकका लागि दरबारमै रेस्टुरेन्ट
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते