काठमाडौं, २६ माघ । प्रदेश ४ मा एमाले संसदीय दलको निर्वाचन माघ २८ गते हुने भएको छ । मुख्यमन्त्रीका लागि पार्टी सचिव पृथ्वीसुब्बा गुरुङ र प्रदेश संयोजक किरण गुरुङको प्रतिस्पर्धा छ ।
गुटका हिसाबले पार्टीभित्र दुवै संस्थापन पक्षका हुन् । किरण नवौं महाधिवेशनमा ओलीको उपाध्यक्ष उम्मेदवार बनेका थिए भने पृथ्वीसुब्बा सचिव उम्मेदवार बनेर जितेका हुन् ।
दुई गुरुङमध्ये एक छान्न ओलीलाई सकस परेको छ । उनले गत साता दुवैसँग अलग-अलग छलफल पनि गरेका थिए । किरणलाई मुख्यमन्त्री बनाउन ओलीमाथि उपाध्यक्ष बामदेव गौतमको पनि दबाव छ । प्रदेश ४ मा ६० सिटमध्ये एमालेका २७ सांसद छन् । त्यसमा माधव नेपाल पक्षका दुईजनामात्र छन् ।
मुख्यमन्त्री बन्ने दौडमा एमालेबाट पार्टी प्रदेश ४ का संयोजक किरण गुरुङ र केन्द्रीय सचिव पृथ्वी सुब्बा गुरुङ खुलेरै लागेका छन् । किरण तनहुँ क्षेत्र नं. २ (ख) बाट र पृथ्वी लमजुङ (ख) बाट प्रदेशसभा सदस्यमा निर्वाचित भएका हुन् । किरण पहिलो संविधानसभा निर्वाचनमा तनहुँ क्षेत्र नं. ३ बाट निर्वाचित भएर वनमन्त्रीसमेत भइसकेका छन् भने पृथ्वी पहिलो संविधानसभा निर्वाचनमा लम्जुङबाट विजयी भई पर्यटन मन्त्री भएका नेता हुन् ।
दुवै नेताले केन्द्रीयस्तरमा राजनीति गरे पनि उनीहरू मुख्यमन्त्री हुने उद्देश्यसहित यसपटक प्रदेशसभा निर्वाचनमा होमिए । प्रदेश ४ को प्रदेशसभामा ३६ जना निर्वाचित र २४ जना समानुपातिक गरी ६० जना सदस्य हुन्छन् । प्रदेशभित्र बहुमत प्राप्त पार्टीको संसदीय दलको नेता बनेपछि मुख्यमन्त्रीको दाबेदार बन्न पाइन्छ । किरण र पृथ्वीलाई मुख्य मन्त्री बनाउने दौडमा अहिले सम्बन्धित जिल्लाका नेता लबिङमा छन् ।
दुवै नेता केन्द्रीय राजनीति छाडेर प्रदेशमा झर्नुको उद्देश्य मुख्यमन्त्री बन्नु रहेको बताउँछन् । पृथ्वी पार्टीको पद्धति मान्नुपर्ने बताउँछन् । ‘पार्टी केन्द्रीय सचिवको हैसियतमा रहेको व्यक्ति आएर प्रदेशसभा सदस्यमा चुनाव लड्नुको पछाडिको कारण स्पष्ट रुपमा बुझ्नुपर्छ,’ उनले भने, ‘यो प्रदेशमा पार्टीको सबैभन्दा सिनियर पदाधिकारी मै हुँ । त्यसैले मलाई मुख्यमन्त्री बनाउने सवालमा कसैको असहमति रहन्छ भन्ने लाग्दैन ।’
पार्टी ‘हाइकमान्ड’ मा समेत आफूलाई प्रदेश ४ को मुख्यमन्त्री बन्ने सवालमा कहींकतै विवाद नरहने उनले दाबी गरे । ‘प्रदेशसभामा संसदीय दलको नेता चुनिनुपर्छ । त्यसमा पनि मलाई बहुसंख्यक सांसदको समर्थन जुट्नेमा विश्वस्त छु,’ उनले भने, ‘मलाई यो प्रदेशका जिल्ला इन्चार्ज, जिल्ला कमिटीका अध्यक्षको पनि उत्तिकै समर्थन छ ।’
यही क्षेत्रका स्थानीय तहमा निर्वाचित गाउँ तथा नगरपालिकाका प्रमुख, उपप्रमुख र सदस्य तथा यहाँका बहुसंख्यक बुद्धिजीवी सर्कल, उद्योगी, व्यवसायीलगायत सर्वसाधारण मतदाताको समेत आफूलाई मुख्यमन्त्री बनाउने अपेक्षा रहेको उनले दाबी गरे । ‘मलाई मुख्यमन्त्री बनाउन धेरैतिरको चाहना छ । त्यसैले सहयोग पनि पाउने आशा छ,’ उनले भने ।
किरण पनि प्रदेश संयोजकको जिम्मा लिएर काम गरेको आधारमा आफूले मुख्यमन्त्री पाउने दाबी गर्छन् । ‘अहिलेसम्म प्रदेश संयोजन गरेको हिसाबले पनि मेरो दाबी मुख्यमन्त्रीमा हो,’ उनले भने, ‘त्यही जिम्मा (मुख्यमन्त्री) लिनकै लागि पनि म केन्द्रबाट प्रदेशमा झरेको हुँ । मुख्यमन्त्रीको चाहना हुँदैनथ्यो भने प्रतिनिधिसभामा पनि निर्वाचनमा उठ्न सक्थें ।’ सबैतिरको निर्वाचन परिणाम आएर मुख्यमन्त्री चयन प्रक्रिया चलेपछि बल्ल कसरी अघि बढ्ने भन्ने थाहा हुने उनले बताए । मुख्यमन्त्री बन्नका लागि पृथ्वीसँग प्रतिस्पर्धा गर्नुपर्ने अवस्था आए पनि आफ्नो पक्षमा बहुमत पुग्ने दाबी किरणको छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग