पोखरा – लागु औषधका फरार प्रतिवादीलाई कास्की प्रहरीले झन्डै ९ महिनापछि पक्राउ गरेको छ ।

पक्राउ पर्नेमा पोखरा महानगरपालिका -१९ पुरन्चौर घर भई हाल पोखरा -६ लेकसाइड बस्दै आएका २४ वर्षका  आश्विन बाँस्तोला रहेका छन् ।

कास्की जिल्ला अदालतको फैसलाले मिति २०७६ साल कार्तिक २६ गते लागु औषध मुद्दामा बाँस्तोलालाई ८ महिना कैद र नगद रु बाइस हजार तोकेको थियो । तर, पुनः त्यसको एक महिनापछि जिल्ला अदालतको फैसलाले लागु औषध मुद्दामै २ वर्ष कैद र नगद रु एक लाख जरिवाना तोकेपछि बाँस्तोला फरार रहेका थिए ।  प्रहरीको फरार सुचीमा रहेका बाँस्तोलालाई प्रहरीले झन्डै ९ महिनापछि बुधबार लेकसाइडस्थित सेन्टर प्वाइन्ट होटलबाट पक्राउ गरेको हो ।

पक्राउ परेका बाँस्तोलालाई प्रहरीले कास्की जिल्ला अदालतमा पेश गरेको कास्कीका प्रहरी नायव उपरीक्षक तथा प्रहरी प्रवक्ता सुवास हमालले जानकारी दिए ।