पोखरा लेखनाथ स्थित बेगनास तालको सफाई अभियन्ता राम रानाभाट प्रहरी नियन्त्रणमा छन् । पोखरा ३१ बेगनास निवासी रानाभाट स्थानिय बेगनाथ युथ क्लबका अध्यक्षसमेत हुन् । उनी चढेको गाडीमा लागुऔषध भेटिएपछि प्रहरीले पक्राउ गरेको हो ।
इलाका प्रहरी कार्यालय, चन्द्रनिगाहपुर (चपुर), रौतहटको टोलीले साउन २४ गते नै सोहि क्षेत्रबाट उनी र अन्य दुई जनालाई पक्राउ गरेको छ । कार्यालय प्रमुख डिएसपी हेमबहादुर शाहीले गण्डकन्यूजलाई बताए अनुसार सडकमा चेकजाँचको क्रममा उनीहरु चढेको गाडीमा प्रतिबन्धित औषधि फेला परेको हो ।
३८ वर्षीय रानाभाटसहित पक्राउ पर्नेमा तनहुँ दुलेगौंडा–४ का २८ वर्षीय मोहम्मद मुर्तुजा र बारा, सिमरा– १० जितपुरका २२ वर्षीय लालुद्धिन मिया रहेका छन् । उनीहरुलाई ७ दिन म्याद थपेर अनुसन्धान भइरहेको छ । यद्यपी, बयान लिने काम भने सुरु नभएको डिएसपी शाहीले बताए ।
रानाभाट चढेको गाडीमा कोरेक्स नामक औषधि चार सिसी भेटिएको हो । उनीहरुले चार सिसा अर्थात् ४०० ग्राम बोकेको भेटिएको छ । जुन प्रतिबन्धित कार्य हो ।
प्रारम्भिक बयानमा रानाभाटले आरोप अस्विकार गरेको बुझिएको छ । यो काम चालक दुलेगौंडा निवासी मोहम्मद मुर्तुजाको भएको रानाभाटले बताएका छन् । पोखराबाट लगेको आफ्नो कार बिग्रेपछि दुलेगौंडाबाट इटहरीसम्म साथीले गाडी मिलाइदिएको र सो गाडीमा जाँदा चालकले कोरेक्स सेवन गर्ने गरेकोले गाडीमा उक्त औषधि रहेको रानाभाटले जिकिर गरेका छन् ।
यद्यपी, प्रहरीले अनुसन्धानको क्रममा रहेको र बयान पनि लिइनसकेकाले केही बताउन नमिल्ने प्रतिक्रिया दियो । ‘अनुसन्धान भइरहेको छ । बयान लिनेछौं । सत्यतथ्य आइहाल्छ । अहिले केही नभनौं । गाडीमा जे चिज भेटियो, त्यो प्रतिबन्धित लागुऔषध हो । त्यसैले ३ जना नै समातिएका हुन् ।’ – डिएसपी शाहीले भने ।
सम्बन्धित खबर
बागलुङमा भीरबाट फालेर ६ वर्षीय छोराको हत्या
कांग्रेसका युवा नेता अजयबाबु शिवाकोटी पक्राउ
१६ वर्षीया किशोरीमाथि जबरजस्ती गर्ने युवक पक्राउ
बौद्धिक अपांगता भएकी युवतीलाई जबर्जस्ती करणी गर्ने हरिनासका एकजना पक्राउ
दशैंको रात बञ्चरो प्रहार गरी श्रीमतीको हत्या
तनहुँमा श्रीमतीको हत्या आरोपमा बोटे पक्राउ
यो पनि पढौँ
टीकाको अघिल्लो दिन जब छोराको शव आयो …
पोखराको हेम्जामा यात्रु चढाइरहेको बसलाई टिप्परले ठक्कर दियो
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
दशैंमा तनहुँ ससुराली आएका ज्वाईंको मादीले बगाएर मृत्यु