रञ्जन अधिकारी पोखरा, १७ माघ / पोखराको मैदानमा विश्वास श्रेष्ठ चम्किएपछि भारी गोल अन्तरले एकतर्फी नतिजा पक्षमा पार्दै थ्रीस्टार क्लब आहा रारा गोल्डकपको पनि उपाधि नजिक पुगेको छ । थ्रीस्टार यो सिजनमा लगातार दुई प्रतियोगितामा फाइनलमा पुगेको छ । गत शनिबार मदन भण्डारी स्मृति इटहरी गोल्डकपको उपाधि जितेको थ्रीस्टारले बुधबार पाहुना टोली उत्तर बरिन्धरा क्लब, बंगलादेशलाई एकतर्फी ५ गोल वर्षाएको हो ।
पोखरा रंगशालामा बुधबार भएको पहिलो सेमिफाइनलमा थ्रीस्टारका विश्वास श्रेष्ठले प्रतियोगितामै पहिलो ह्याट्रिक गरे । पहिलो खेलमा सशस्त्रको एपीएफ विरुद्ध मुस्किलले टाइब्रेकरमा हराउँदै सेमिफाइनल खेलेको थ्रीस्टारसामु विदेशी टोली निरिह बन्यो । उसका दुई भरपर्दा अफ्रिकन मुलका खेलाडी अघिल्लो खेलमा रातो कार्ड व्यहोर्दै बाहिरिँदा बंगलादेशी टीमले यसरी लज्जास्पद पराजय बेहोर्नुपरेको हो ।
पाचौंपटक फाइनल प्रवेश गरेको थ्रीस्टारले ४ पटक आहा रारा गोल्डकपको उपाधि जितिसकेको छ । फाइनलमा पुग्दा अहिलेसम्म उसले पराजय व्यहोरेको छैन । थ्रीस्टारले अब नेपाल पुलिस र धरान फुटबल क्लब सुनसरीको बिजेतासँग शनिबार उपाधिका लागि प्रतिष्पर्धा गर्नेछ ।
शनिबार भएको एकतर्फी खेलमा थ्रीस्टारले उत्तर बरिन्धरा क्लबलाई पूर्णतया दबदबा कायम राख्यो । ४० मिनेटसम्म गोल गर्न नसकेको थ्रीस्टारले पहिलो हाफको समयमा लगातार तीन गोल गरेको थियो । उसले खेलको ४१ औं मिनेटमा विष्णु गुरुङको गोलबाट खाता खोल्यो । विश्वास श्रेष्ठको क्रसमा बुद्ध चेम्जोङले मिलाइदिएको पासलाई उनले जाली चुमाएका हुन् । पहिलो गोल भएको ४ मिनेटमपछि थ्रीस्टारले अग्रता दोब्बर बनायो । पहिलो हाफको अन्तिम मिनेटमा विश्वास श्रेष्ठको पासमा डिबक्स भित्र रहेका निराजन खड्काले गोल पोष्टको दिशा दिए । त्यसको दुई मिनेट पनि बित्न नपाउँदै निराजन खड्काले आफूलाई पास मिलाईदिएका विश्वासलाई पहिलो गोल गर्न सहयोग गरे ।
तीन गोलले पछि परेको बंगलादेश दोश्रो हाफमा फर्कन सकेन । ६७ औं मिनेटमा विश्वासको व्यक्तिगत दोश्रो गोलको मद्धतमा थ्रीस्टारले चौथो गोल ग¥यो । बुद्ध चेम्जोङको क्रसमा निराजन खड्काले मिलाई दिएको पासमा विश्वासले गोल गरे । खेलको ७५ औं मिनेटमा गोल गरेर विश्वासले ह्याट्रिक पूरा गरे । उनले सुनिल बलको फ्रिकिकमा फष्र्ट बार च्याप्दै प्रहार गरेको हेडर गोलमा परिणत भएको थियो ।
थ्रीस्टारले आधा दर्जन बढी गोल गर्ने अवसर सदुपयोग गर्न सकेन । बिजयी भएपछि थ्रीस्टारका प्रशिक्षक मेघराज केसीले विपक्षी टिम कमजोर हुँदा राम्रो खेल हुन नसकेको बताए । पहिलो हाफको ४० मिनेटसम्म आफूहरु बिपक्षीको खेल बुझ्नका लागि पर्ख र हेरको रणनीतिमा खेलेको र त्यसपछि रणनीति परिवर्तन गर्दा लगातार गोल निस्केको उनको भनाई छ । बंगलादेशी टिमलाई कमजोर प्रतिद्वन्द्वी भन्दै प्रशिक्षक केसीले भने, ‘सेमीफाइनलमा यति कमजोर टिमसँग थ्रीस्टारले यसभन्दा अघि कहिल्यै खेलेको पनि थिएन र अब कहिल्यै खेल्दैन ।’
उत्तर बरिन्धरा क्लवका बरिष्ठ उपाध्यक्ष मुसिबुर रहमानले ३/४ खेलाडी घाइते भएको र २ जनाले रातो कार्ड खाएर खेल्न नपाउँदा टिम कमजोर बनेको र नतिजा पनि निराशाजनक आएको बताए । उनले आयोजकको आतिथ्यता, नेपाली र पत्रकारलाई आभार प्रकट गर्दै आगामी वर्ष आउन इच्छुक रहेको तर सशक्त आउने बताए । सो क्लबका अनुसार अहिले बरिन्धरा क्लबका सिनियर खेलाडी बंगलादेशमै एक प्रतियोगितामा सहभागी छ । बरिन्धराले पहिलो खेलमा सुदुरपश्चिम एफसीलाई २–१ गोलले पराजित गरेको थियो । सो खेल निकै तनावपूर्ण बन्दा अहिलेसम्मकै सबैभन्दा बढी कार्ड प्रयोग समेत भएको थियो र त्यसको असर यो खेलमा प¥यो ।
खेलमा ह्याट्रिक म्यान थ्रीस्टारका विश्वास श्रेष्ठ म्यान अफ दी म्याच बने । बिहीबार दोश्रो तथा अन्तिम सेमीफाइनल खेलमा नेपाल पुलिस क्लव र धरान फुटवल क्लब सुनसरी प्रतिष्पर्धामा हुनेछ । पुलिस क्याराभान सहित पाँच पटकको उपाधि विजेता टोली हो । पुृलिसले पहिलो खेलमा मनाङ मस्र्याङ्दीलाई ३–१ गोलले पराजित गरेको थियो । प्रिक्वार्टरबाटै खेलेको धरानले पहिलो खेलमा सिक्किम युनाईटेडलाई ३–०, क्वार्टरफाईनलमा आर्मीलाई टाईब्रेकरमा पराजित गरेको थियो ।
आजको खेल
नेपाल पुलिस क्लब Vs धरान फुटबल क्लब
This will close in 3 seconds
सम्बन्धित खबर
लामाचौर कप भलिबलमा पुरूषतर्फ पुलिस च्याम्पियन, सञ्जु सर्वोत्कृष्ट
लामाचौर कप भलिबलः महिला तर्फको उपाधि एपिएफलाई, न्यू डायमण्ड पराजित
लामाचौर कप भलिबलः डिफेन्डिङ च्याम्पियन गण्डकी सबैभन्दा कमजोर, गल्कोट तेस्रो
लामाचौर भलिबलः महिलातर्फ एभरेष्ट बुटवल तेस्रो, गण्डकी प्रदेश पराजित
प्रथम अन्तर क्लब ह्याण्डबलको उपाधि मनकामनालाई
सशस्त्रको एपीएफ महिला र पुरूष दुवैतर्फ फाइनलमा, न्यू डायमण्ड र पुलिससँग उपाधि प्रतिष्पर्धा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग