पोखरा, १७ माघ । माघ २२ गते ११ बजे डाकिएको प्रदेशसभाको पहिलो बैठकका लागि पोखरा नगर विकास प्रशिक्षण केन्द्र मर्मत तथा सिंगारपटार गरिएको छ ।
प्रदेशसभा हलको डिजाइन कस्तो बनाउने, कुन कुन संरचना कसरी निर्माण गर्ने, बैठकको सुरुवात कसरी गर्ने आदि विषयमा अन्योल भने कायमै छ । ती विषयमा सहजीकरण गर्न ४ सदस्यीय संसदीय टोली मंगलबार पोखरा आईपुगेको छ । प्रदेशसभास्थल, प्रदेशसभा सचिवालय, मुख्यमन्त्रीको कार्यालय, मन्त्रालय, विभिन्न विभाग निर्माणको सहजीकरणका लागि सहसचिव जीवराज बुढाथोकी, उपसचिव गोपाल सिग्देल, अधिकृत अनन्त कोइराला र प्राविधिक सहायक सुदर्शन गौतमको टोली मंगलबार पोखरा आईपुगेको हो ।
कार्पेट ओछ्याउने, सभामुख तथा सांसदका लागि कुर्ची तथा टेबल तयार पार्ने लगायत काम अहिले भइरहेको छ ।
प्रदेशसभा हलमा फर्निचर सेटिङ कसरी गर्ने, पत्रकार, पर्यवेक्षक, मर्यादापालक लगायतका लागि कहााकहाा स्थान तोक्ने निर्क्योल गर्न केन्द्रबाट आउने संसदीय टोलीको प्रतीक्षा थियो ।
‘मंगलबार हामी पोखरा आएपछि सरकारी कर्मचारीसँग भेटघाट गरेका छौं,’ सहसचिव जीवराज बुढाथोकीले भने, ‘अब प्रदेशसभा बैठकको तयारी र त्यसका लागि आवश्यक पूर्वाधार तथा सामग्री जुटाउन लाग्नेछौं ।’ टोलीले यहाँका अरु कर्मचारीलाई तालिम दिनेछ । १५ दिनदेखि १ महिनासम्म पोखरा नै बसेर यो टोलीले अन्य कर्मचारीलाई संसदीय अभ्यास गराएर र्फकनेछ ।
संघीय संसदमाजस्तै यहाा प्रदेश संसदको पनि भौतिक पूर्वाधार निर्माण गरिने उनले जानकारी दिए । सबैभन्दा अगाडि ड्यासमा सभामुख, त्यसैको दायाँ छेउमा सांसद बोल्ने पोडियम, सभामुखको ड्यास अगाडि दायाँपट्टी सत्तापक्ष र बायाँ पट्टी प्रतिपक्षका सांसद बस्ने र कर्मचारी, पत्रकार लगायतलाई छुट्टै ठाउा व्यवस्थापन गर्ने तयारी गरिएको छ । बैठक शुरु हुनु पहिले नै जनाउ घन्टी बजेपछि सांसद हलभित्र प्रवेश गरी सभामुख तोकिएका ज्येष्ठ सदस्य डयासमा पुगेपछि राष्ट्रिय धुन बजाएर बैठक सुरु गर्ने तयारी गरिएको छ ।
बैठकमा संसदको अन्तरिक व्यवस्थापन कार्यविधि ग्रहण गरेलगत्तै सभामुख तथा उपसभामुख निर्वाचनको मिति तोकिनेछ । पहिलो बैठकको १५ दिनभित्र सभामुख तथा उपसभामुखको निर्वाचन गरिसक्नुपर्ने संवैधानिक व्यवस्था छ । संसदको अभ्यासका लागि पनि पहिलो र दोस्रो बैठकमा सांसदलाई पनि बोल्न दिने गरी तयारी थालिने टोलीले जनाएको छ । प्रदेशसभाको बैठक बस्नुभन्दा ३र४ दिन अगाडि नै सर्बदलीय बैठक बसेर कार्यसूची तयार गरिने टोलीले जानकारी दिएको छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग