स्वतन्त्र पोखरेली समूहले सरकारको विरोधमा विहीबार पूर्वान्ह प्रदर्शन ग¥यो । जिल्ला प्रशासन कार्यालय, कास्की नजिकै सहिद चोकमा बिहीबार बिहान ११ बजेदेखि प्रदर्शन सुरु भएको थियो । शान्तिपूर्ण रुपमै प्रदर्शन जारी थियो । उनीहरुले १ घण्टा प्रदर्शन गर्ने कार्यक्रम तय गरेका थिए । तर, अन्तिम समयमा उच्छृंखल भिड नजिकै आयो । अराजक नाराबाजीका साथ अघि बढ्यो । मौन रुपमा प्रदर्शनमा उत्रेका प्रदर्शनकारीहरुलाई प्रहरीले अवरोध गरेको थिएन । तर, उच्छृंखल जत्था अराजक तरिकाले नाराबाजीमा उत्रिएपछि प्रहरीले भिड तितरवितर बनाउन बल प्रयोग गर्न बाध्य बन्यो ।
प्रमुख प्रतिपक्षी नेपाली काँग्रस निकट विद्यार्थीहरुले प्रधानमन्त्री केपी शर्मा ओली र स्वास्थ्यमन्त्री भानुभक्त ढकालविरुद्ध नाराबाजी गर्न थाले । ‘केपी … देश छोड’, ‘अनपढ स्वास्थ्यमन्त्री राजिनामा दे’ लगायतका नारा लगाएर शान्तिपूर्वक प्रदर्शनमा उत्रेका समूहरुलाई पनि उनीहरुले बिथोले ।
सयौंको संख्यामा उपस्थित भएका उनीहरुलाई रोक्ने क्रममा सामान्य झडपको अवस्था सिर्जना भयो । युवालाई रोक्न खोज्दा प्रहरी र आन्दोलनकारीबीच सामान्य झडप भएको कास्कीका प्रहरी प्रवक्ता ईन्स्पेक्टर नरहरि अधिकारीले गण्डकन्यूजलाई जानकारी दिए । उनले हुलहुज्जतको अवस्था आएको र बोत्तल, ढुंगा समेत प्रहार गर्न थालेपछि दुई जना नियन्त्रणमा लिइएको पुष्टि गरेका छन् ।
पक्राउ पर्नेमा बिमलबहादुर पहारी र प्रेमबहादुर केसी रहेका छन् । पहारी पोखरा महानगरपालिका वडा नं. ६ का वडा अध्यक्ष जगतबहादुर पहारीका छोरा हुन् । पहारी नेपाली काँग्रेस पार्टीबाट स्थानिय तह निर्वाचनमा विजयी भएका थिए । जानकारका अनुसार केसी नेपाल विद्यार्थी संघसँग आबद्ध छन् । वडा प्रहरी कार्यालय बैदामको हिरासतमा उनीहरु छन् । कार्यालयका प्रमुख डिएसपी यादव ढकालले अनुसन्धानकै क्रममा रहेकाले दुवै जनालाई नछाडिएको जनाएका छन् ।
‘शान्तिपूर्ण विरोध प्रदर्शनको कार्यक्रममा हाम्रो बल प्रयोग होइन, आयोजककै भावना विपरित अर्को समूह आए । उनीहरुले तनाव निम्त्याउन थाल्यो र ढुंगा बोत्तल प्रहार गर्नेलाई पक्राउ गरेका हौं ।’ प्रवक्ता अधिकारीले भने ।
नेपाल विद्यार्थी संघ, कास्कीले भने अहिलेसम्म केही बोलेको छैन । आयोजकका तर्फबाट विज्ञप्ती मार्फत आफूहरुको प्रदर्शनका क्रममा राजनीतिक दल आबद्ध युवाहरु प्रवेश गरी यस्तो क्रियाकलाप गरेकोमा निन्दा गरिएको छ ।
https://www.facebook.com/gandaknews/videos/628070714583423/
यो पनि पढ्नुहोस्ः
पोखरामा युवाहरुको प्रदर्शनः स्वतन्त्र युवाको शान्तिपूर्ण, ‘उच्छृंखल समूह’ छिरेपछि उग्र (भिडियो/फोटो)
सम्बन्धित खबर
‘रास्वपाका नेताहरु घर-घरमा पुगेर सहकारी पीडित बचतकर्तालाई भड्काए’ [विज्ञप्ति]
पर्यटकको चाप बढ्न नसक्दा पोखराका पर्यटन व्यवसायी चिन्तित
पोखराको सहिदचोकमा प्रहरीको पेट्रोल पम्प निर्माण रोक्न अन्तरिम आदेश
एमाले कास्कीले शुभकामना आदानप्रदान तथा चियापान गर्ने
रास्वपाको आज पनि पोखरामा विरोध प्रर्दशन
‘सडकमा भीड उतारेर अनुसन्धान प्रभावित पार्ने काम स्वीकार्य हुँदैन’ – नागरिक समाज पोखरा
यो पनि पढौँ
पोखराको हेम्जामा यात्रु चढाइरहेको बसलाई टिप्परले ठक्कर दियो
आजदेखि लाइसेन्स बोक्न नपर्ने, मोबाइलबाट ट्राफिकले कारबाही गर्न सक्ने
पर्यटन व्यवसायी मिश्रको डेंगु संक्रमणबाट निधन
स्याङ्जामा पूर्वसैनिकको घरमा सकेट बम विष्फोट, पुरी घाइते