किरण श्रेष्ठ, तनहुँ । तनहुँमा जिल्ला बाहिरबाट आउने तरकारी प्रवेशमा रोक लगाउने निर्णय भएको छ । तनहुँका स्थानीय तहहरुले कोरोनाको जोखिम बढेको भन्दै विभिन्न छिमेकी जिल्लाबाट आउने तरकारी जिल्ला प्रवेशमा रोक लगाउने निर्णय गरिएको हो ।
तनहुँको सदरमुकाम दमौलीमा रहेको व्यास नगरपालिकाको अगुवाईमा शनिबार बसेको केही स्थानीय तह, सुरक्षा अधिकारी तथा व्यवसायीहरुको संयुक्त बैठकले देशका अन्य जिल्ला र छिमेकी देश भारतबाट आउने तरकारीलाई जिल्ला प्रवेशमा रोक लगाएको हो ।
उक्त बैठकले जिल्लामा भारत र चीनबाट आउने फलफूल आयातमा समेत प्रतिबन्धको लगाएको छ ।
व्यास नगरपालिकाका प्रमुख बैकुण्ठ न्यौपानेले देशभर बढीरहेको कोरोनाको जोखिमलाई मध्यनजर गरी यस्तो निर्णय गरिएको उनले बताए ।
बैठकमा सहभागी प्रमुख जिल्ला अधिकारी बद्रीनाथ अधिकारीले स्थानीय तहहरुले आफ्नो क्षेत्रमा जोखिम कम गर्ने हिसाबले निर्णय गरेको बताए ।
जिल्लाका अन्य स्थानीय तह संग समेत यस विषयमा थप छलफल र सहकार्य गरिने बैठकमा सहभागी जिल्ला समन्वय समिति तनहुँका प्रमुख शान्तिरमण वाग्लेले बताए ।
जिल्लाभित्रका किसानले उत्पादन गरेको तरकारीले उचित बजार नपाउदा दुःखित किसान भने यो निर्णय संगै खुशी भएका छन ।
जिल्लाको आबुखैरेनी गाउँपालिकाबाट मात्रै दैनिक २० हजार किलो तरकारी आपूर्ति गर्न सकिने किसानहरु बताउछन ।
साथै दमौली बजार गत चैत १ गते देखी बिहान ७ बजे देखि १० बजेसम्म खोल्ने निर्णय भएको थियो तर व्यवस्थित नभएकाले घरको १ जना मात्रै सामान खरिद गर्न जान अनुरोध गर्ने निर्णय गरिएको छ । एक हप्ता सम्म पनि सुधार नभए थप कडाइ गर्ने उक्त बैठकले निर्णय गरेको छ ।
सम्झौता भैइसकेको सार्वजनिक निर्माणका काम स्थानीय निर्माण सामाग्री र कामदार प्रयोग गरि सम्बन्धित स्थानीय तहसंगको समन्वयमा सुचारु गर्ने निर्णय समेत भएको छ ।
मृत्यु भएमा धर्म परम्परा अनुसार काजकिरिया गर्न, जटिल बिरामी आवातजावत र अत्यावश्यक सामान ढुवानी बाहेक अन्य सवारी साधन आवातजावतमा प्रतिबन्ध गर्ने निर्णय गरेको छ ।
आइसोलेसन अस्पतालको पहुँचबाहिर भएपछि क्वारेन्टाइन !
कोरोना संक्रमित बिरामी राख्नका लागि बनाइएको आइसोलेसन अस्पतालको पहुँच बाहिर भएपछि क्वारेन्टाइन बनाईने भएको छ ।
व्यास गुफा नजिक क्रियापुत्री भवनमा बनाइएको आइसोलेसन दमौली अस्पतालको पहुँच बाहिर भएको भन्दै शनिबार बसेको वर्तमान कोभिड १९ को विरुद्धको अभियानको समिक्षा बैठकले उक्त भवनलाई क्वारेन्टाइन बनाउने निर्णय गरेको छ ।
उक्त भवनमा सट्टा दमौली अस्पतालको पुरानो भवनलाई आइसियु सहितको उपचार केन्द्र बनाउने गरि तत्काल पुर्वाधार निर्माण गर्ने निर्णय गरेको छ ।
औषधि पसलहरु नियमित खुलाउनुपर्ने गुनासो आएको हुँदा नियमित खोल्न अनुरोध गर्ने र अनुगमन समेत गर्ने उक्त बैठकले निर्णय गरेको छ ।
This will close in 3 seconds
सम्बन्धित खबर
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
सफल दहीसँगै तीज, सुजल डेरीद्वारा शुभकामना
सुनको मूल्य आज पनि स्थिर, चाँदीको बढ्यो
यसपालि दसैँमा सुकिला नोट मात्रै, नयाँ नोट बन्द
सुनचाँदीको मूल्य घट्यो
घट्यो सुनचाँदीको मूल्य, कतिमा हुँदैछ कारोबार?
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग