गण्डक न्युज पोखरा, २८ पुस / कास्कीको पर्यटकीय गाउँ सिक्लेसमा आन्तरिक तथा वाह्य पर्यटनलाई प्रवद्र्धन गर्न स्थानीय सिक्लेस युवा क्लबले यस वर्ष पनि माघे मेलालाई निरन्तरता दिँदैछ । क्लबको २३ औं बार्षिकोत्सवको अवसर पारेर यही माघ १ गते देखि ४ गते सम्म मेला आयोजना हुने क्लबले पोखरामा पत्रकार सम्मेलन गरी जानकारी दिएको छ ।
क्लबका उपाध्यक्ष पदम गुरुङका अनुसार कार्यक्रमको निरन्तरतासँगै परम्परागत रुपमा मानिदै र पुजिँदै आएको स्थानिय तीर्थस्थलहरु म्हउदु क्यु र फैमक्यु को प्रचार प्रसार, संरक्षण र विकास गर्नु मूल उद्देश्य रहेको जनाए ।
पोखराबाट करिब ३ घन्टामा पुग्न सकिने सिक्लेसमा होम स्टे र होटलहरु संचालनमा छन् । पुष ३० गतेबाट नै मेलाका लागि थप बस र जिपहरु संचालन गरिने अध्यक्ष गुरुङले बताए । मेला आयोजना गर्नुको उद्धेश्य गाँउमा थप व्यवस्थित होम स्टे संचालन गर्ने लगायत रहेका छन् । साथै, क्लबको लक्ष्य जेहेन्दार विद्यार्थीहरुलाई छात्रवृत्ति प्रदान गर्ने, प्रौढ कक्षा संचालन गर्ने, युवाहरुका लागि १० वर्षे लक्ष्य सुचक तयार गर्ने, विश्व प्रतिष्पर्धी शैक्षिक जनशक्ती तयार गर्न विद्यालयमा अंग्रेजी र गुरुङ भाषालाई प्रवद्र्धन गर्ने रहेको उनले जनाए ।
मेलामा पौराणिक घाटु नृत्य, लोपन्मुख लोक भाकाहरुको प्रस्तुति, स्थानिय उदयिमानन सांगितिक समुहको प्रस्तुति, बालबालिका तथा प्रौढहरुका लागि आकर्षक खेलहरु तथा दोहोरी साँझ पनि मेलाका मुख्य आकर्षण रहने जनाईएको छ ।
सिक्लेस माघे मेलामा पराम्परगत खेलकुद, सांस्कृतिक कार्यक्रम लगाएत भलिबल र बास्केटबल पनि मुख्य आकर्षण रहने क्लबका सचिब मिलन गुरुङले जानकारी दिए । सचिव गुरुङका अनुसार माघे मेलामा अन्तर पुरुष भलिबल, बास्केटबलमा प्रथम हुने टिमले नगद ५० हजार र दोस्रो हुनेले नगद ४० हजारका साथमा मेडल तथा ट्रफी प्राप्त गर्ने छन् । अहिले सम्म दुबै खेलमा १५ टिमले नाम दर्ता गराईसकेको उनले जानकारी दिए ।
त्यस्तै महिला तर्फको भलिबल र बास्केटबलमा प्रथम हुने टिमले नगद २० हजार र दोश्रो हुने टिमले १५ हजार, खुल्ला डोरी तान्ने खेलमा प्रथमले १५ हजार र दोश्रोले १० हजार प्राप्त गर्ने सचिव मिलन गुरुङले बताए । मेलामा अन्तर गाँउस्तरीय सामुहिक नृत्य प्रतियोगिता पनि हुनेछ ।
उक्त प्रतियोगितामा प्रथम हुनेले नगद ४० हजार, दोश्रो हुनेले नगद ३० हजार र तेश्रोले नगद २० हजार प्राप्त गर्नेछन् । भेषभुषा र नृत्य निर्देशकले पनि नगद ८ हजार पाउने क्लबले जानकारी दिएको छ । यसका साथै मेलामा पराम्परगत छेलो हान्ने प्रतियोगिता पनि हुनेछ ।
मेला संचालन गर्न करिब १० लाख ५५ हजार खर्च लाग्ने र खर्च ८ लाख ५ हजार हुने क्लबले जनाएको छ । यो रकम देश बिदेशमा रहेका शुभेच्छुक र शुभचिन्तकहरुबाट प्राप्त भएको सचिब गुरुङले बताए । उक्त मेलाको उदटन प्रदेश सांसद मनबहादुर गुरुङले गर्नेछन् ।
Pic. Suraj Tamu
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग