काठमाडौं । यातायात व्यवस्था विभागले गाडीमा लेखिएका साहित्य हटाउन निर्देशन दिएको छ । ट्रक साहित्य पढ्न थाल्दा दुर्घटना बढेको भन्दै विभागले अब हटाउन र नयाँ नलेख्न पनि र्निेशन दिएको हो ।
विभागले दुर्घटना न्युनीकरण गर्न अपनाइनुपर्ने तत्कालीन उपायका रुपमा ट्रक साहित्य हटाउनुपर्ने लगायत ८ उपाय निकालेको छ । ती उपायमा गाडी चालकले चप्पल लगाएर चलाउन नपाउनेदेखि क्याबिनमा सजावटका सामान तथा म्युजिक सिस्टम नराख्नेसम्मको व्यवस्था गरेको छ । यस्ता सामान राखेको भए तत्काल हटाउनसमेत विभागले निर्देशन दिएको छ ।
यस्तै सार्वजनिक सवारीमा भाडादर पनि अनिवार्य टाँस्न विभागको निर्देशन छ । सवारी साधन सञ्चालन सम्बन्धी जरुरी सूचनामा भनिएको छ, “सवारी साधनमा लेखिएको सबै किसिमको स्लोगन वा कोटेसन हटाउनुपर्नेछ ।”

विभागको निर्देशनअनुसार अबदेखि सबै प्रकारका सवारी साधन चलाउँदा सवारी चालकले अनिवार्य जुत्ता लगाउनुपर्छ । यस्तै सवारीको विन्ड सिल्डमा स्टिकर वा कुनै वस्तु टाँस्न वा झुन्ड्याउन मिल्दैन ।
यसैगरी लामो दुरीका यात्रुवाहक सवारीको ढोकामा नै यात्रु क्षमता र सवारीमा मौजुदा यात्रुको सङख्या टाँस्न अनिवार्य गरिएको छ ।

सवारी विभागले सवारीसाधनको चालकको फोटो सहितको सवारीचालक अनुमतिपत्रको विवरण टाँस गर्नुपर्ने, लामो दुरीका सवारीमा प्रयोग गर्ने प्रयोजनार्थ रिसोलिङ गरिएको टायर अगाडिको चक्कामा राख्न नपाइने व्यवस्था गरेको छ ।







सम्बन्धित खबर
नयाँ वर्ष २०८२ सुरूः शुभकामना आदानप्रदान गरी हर्षोल्लासका साथ मनाइँदै
आजको मौसम पूर्वानुमान
२०८१ मा नेपालमा आठ हजार बढी घटनामा ७४५ जनाको मृत्यु
९ वर्षपछि प्रतिपक्षी बनेको माओवादीका अध्यक्ष प्रचण्डको आँखा सरकारतिरै
राजसंस्थाबारे प्रष्टै बोले पूर्वराजा ज्ञानेन्द्र [पूर्णपाठ पढ्नुहोस्]
दुर्गा प्रसाईंनिकट युवाहरूले लगाएका थिए तीनकुनेको घरमा आगो [भिडियो]
यो पनि पढौँ
पोखरामा पेट्रोल पम्प जोडिएको घरमा लागेको आगो समयमै निभाउँदा ठूलो क्षति टर्यो
पोखरा पृथ्वीचोकमा ट्रकले ठक्कर दिँदा स्कुटरमा सवार शिवराजको मृत्यु
गण्डकी र लुम्बिनी जोड्ने पक्की पुल निर्माण
अन्नपूर्णमा हिमपहिरो, २ नेपाली बेपत्ता