गण्डक न्युज पोखरा, १० पुस । पुस ७ गते शुक्रबार साँझ कास्कीको मादी गाउँपालिका १० भाचोक स्थित गहतबारीमा बस दुर्घटना भयो । दुर्घटनामा निर्वाचित जनप्रतिनिधी पदमकुमारी नेपालीको मृत्यु भयो भने बसमा सवार सबै घाईते भए ।
दुर्घटनापछि दुई प्रकरणले पोखरा तात्यो । एक दुर्घटना भएपछि पृथ्वी राजमार्ग बस सञ्चालक समितिका पदाधिकारीहरु पिकनिकमै रमाउँदा पीडित कुरेर बस्नुपरेको अवस्था । दुई, मृतक नेपालीको सिक्री नै अस्पतालबाट गायब ।
दुःखद घटनामा यस्तो मानवीय संवेदनाहीन कुराले थप पीडा भएको छ । दुर्घटनापछि पश्चिमाञ्चल क्षेत्रीय अस्पतालमा पोस्र्टमार्टमका लागि ल्याएकोमा नेपालीको घाँटीमा भएको सुनको सिक्रीको लकेट शवकक्षमा काम गर्ने कर्मचारीले लुकाएको आरोप लागेको थियो । तस्विरमा प्रस्ट देखिएको तर त्यहाँ नभएको पाईएपछि अस्पताल प्रशासनलाई उजुरी दिएको शिवहरी अधिकारीले खुलासा गरेका छन् ।
यसअघि पीडित पक्षले समितिको पदाधिकारीले घटनामा गम्भिर नबनेपछि दुःख पाएको गुनासो गरेका थिए । हामीले डिएनएनेपाल डटकमबाट न्युज लिएका छौं ।
सामान्यतः आफ्नो समितिको बस दुर्घटना हुँदा समितिका पदाधिकारी वा जिम्मेवार ब्यक्ति पीडित पक्षसँग बसेर थप उपचारको बाटो खोलिदिनुपर्छ । यसको मतलव गाडी दुर्घटनामा घाईतेको उपचार जिम्मा बस समितिको हो, यदी उक्त बस कुनै समितिमा आवद्ध छ भने ।
स्तरीय सेवा दिने भन्दै पृथ्वीले देशैभरी हौवा पिटेको छ । हरेक जिल्लामा स्थानीय समिति छ, तर पृथ्वीले ति सडकहरुमा पनि सिण्डिकेट लाद्न नपाईने भन्दै आफ्नो समितिको गाडी चलाईरहेको छ । तर आफ्नो विपक्षमा कसैले गाडी चलाउन थाल्यो भने संस्थागत रुपमै विरोध जनाउन भ्याउँछ । यात्रुले पत्याउने ठाउँ पनि छ, पृथ्वीको सेवा अरु भन्दा राम्रो छ । पछिल्लो समय पृथ्वी समितिको बसहरु स्तरीय छन् पनि । तर समितिले दुर्घटनापछि पीडितको वेवास्ता गर्ने र घटनाप्रति गैरजिम्मेवार हुने परम्परा छ ।
शुक्रबार भएको दुर्घटनाबारे समितिले कुनैपनि सक्रियता देखाएन । पीडितहरु अस्पतालको आडमा बसेका छन् तर समितिको स्विकृति नभएकै कारण घाईतेले राम्रोसँग उपचार पाएका छैनन् । शुक्रबार घटना घटेपछि समस्या समाधामतिर लाग्नुपर्नेमा समिति हुल बाँधेर शनिबार दिनभरी धम्पुसमा पिकनिक खाएर बस्यो ।
‘समितिबाट नेक्लिजेन्स भएको स्विकार्छु । हामीले दुर्घटना संयोजक धर्म अर्याललाई बार्ताका लागि पठाएका थियौं, पीडित पक्षसँग कुरा गर्दै समितिका महासचिव योगेन्द्र केसीले भने–अर्याल जीले टुंग्याउनुभयो होला भन्ने बुझेर हामी ढुक्कसँग बस्यौं । अव समितिको बैठक बसेर कसरी जाने निर्णय गर्छौं ।’ समितिले खटाएको भनिएको दुर्घटना संयोजक अर्यालको फोन शनिवार दिनैभरी स्विच अफ थियो ।
‘शुक्रबार दुर्घटना भएपछि शनिवारको कार्यक्रम रोक्नुपथ्र्यो । त्यो भएन कमसेकम १÷२ जना जिम्मेवार मान्छे त पठाउन सकिन्थ्यो, पीडित पक्षबाट गठित बार्ता समितिका संयोजक बृजमान गुरुङले भने– समितिका अध्यक्षजी (एन कुमार साइ) ले उल्टै जानेको गर भनेर फोन राख्नुभयो । यो समितिको जानाजान गरिएको गैर जिम्मेवारपन हो । यस्ता घटनाले सम्बन्ध राम्रो बनाउँदैन ।’
घटनापछि खसीबजार चोकमा ४ वटा बस तोडफोड भए । बस पीडित पक्षले नै तोडफोड गरेको बसधनीहरुले बताएका छन् ।
भाचोक दुर्घटना–पीडित पक्ष र पृथ्वी समिति बीच सहमति (के सहमति भयो)
शुक्रबार साँझ मादी गाउँपालिका १० भाचोक स्थित गहतबारीमा भएको बस दुर्घटनाका पीडित र पृथ्वी राजमार्ग बस सञ्चालक समिति बीच सहमति भएको छ । आईतबार भएको द्धिपक्षीय बैठकमा ५ बुँदे सहमति भएको हो ।
दुर्घटनामा घाईतेको उपचारमा कुनै पनि कञ्जुस्याईँ नगर्ने र आवश्यक उपचारको ब्यवस्था पृथ्वी समितिले मिलाउने, मृतकलाई तत्काल नियमानुसार पाउने ५ लाख रुपैयाँ उपलब्ध गराउने, मृतकको स्मृतिमा समितिले अर्धकदको शालिकसहित प्रतिक्षालय निर्माण गरिदिने र त्यसका लागि जग्गा र प्राविधिक सहयोग गाउँपालिकाले उपलब्ध गराउने, परिवारको कुनै १ सदस्यलाई योग्यताअनुसारको रोजगारी दिने लगाएतका सहमति भएको छ । सहमति पछि आईतबारदेखि नै त्यस रुटमा बस सञ्चालन खुला भएको छ ।
सहमतिपत्रमा पृथ्वी बस ब्यवसायी समितिको तर्फबाट उपाध्यक्ष तथा दुर्घटना संयोजक धर्मराज अर्याल, पीडित पक्षबाट मादी गाउँपालिका उपाध्यक्ष विष्णु पौडेल, मादी ८ का वडाध्यक्ष यामबहादुर गुरुङ, मादी ९ का वडाध्यक्ष तोरणबहादुर गुरुङ, नेपाली काँग्रेस क्षेत्र नम्बर १ का सभापति बृजमान गुरुङ, नेपाली काँग्रेस जिल्ला कार्यसमिति सदस्य ओमप्रकाश गुरुङ र मृतकका भाईले हस्ताक्षर गरेका छन् ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग