पोखरा, ३ पुस / माछापुछ्रे गाउँपालिका वडा नं ३ साविक घाचोक निवासी भलिवलका पूर्व राष्ट्रिय खेलाडी लेखनाथ लम्साल अहिले छोरीको उपचारमा सहयोगका हात थाप्दै भौँतारिएका छन् ।
छोरी अलिसा लम्साल गएको २ वर्षदेखी हड्डीको क्यान्सरसँग लडिरहेकी छन् । आफ्ना सहपाठीहरु विद्यालयमा नियमित पढिरहदा उनी भने कहिले अस्पतालका शैयाहरुमा त कहिलेकाँही मात्र विद्यालयमा हुन्छिन् । १४ वर्षको कलिलो उमेरमा रोगसँग जुध्दै गरेकी उनी शुक्ला गण्डकी माविमा कक्षा १० को विद्यार्थी हुन् । उनको स्वास्थ्यमा सुधार भएपनि पूर्ण निको हुनको लागि थप उपचारको खाँचो छ ।
२०७३ वैशाख देखी अलिसालाई गर्धनमा समस्या देखियो । त्यसको दुखाईले उनले टाउको चलाउन पनि समस्या भएपछि चिकित्सको सल्लाहमा राजधानीको ग्राण्डी अस्पतालमा सर्भाईकल स्पाईन अप्रेसन गरिएको थियो ।
पछि वायोस्पी परिक्षणमा हड्डीको क्यान्सर भन्ने प्रमाणित भएपछि विभिन्न चरणमा राजधानीकै ग्राण्डी हस्पिटल, सिभिल अस्पाताल, काठमाण्डौँ क्यान्सर सेन्टरमा र पोखराको फिस्टेलमा किमो र रेडीयोथेरापी गरिएको वुवा लेखनाथ लम्सालले बताए।छोरीको उपचारको क्रममा राजधानी र पोखरामा गरि ३२ लाख जति खर्र्च भईसकेको उनको भनाई छ ।
अलिसाको स्वास्थ्यमा सुधार भएपनि पछिल्लो पटक गएको कार्तिकमा गरिएको फलोअपमा क्यान्सरको मात्रा कम नभएकोले थप उपचार गर्नुपर्ने चिकित्सकले सुझाएको लम्साल वताउँछन् । अलिसालाई अव वोन म्यारो ट्रान्सप्लान्ट मार्फत निको पार्न सकिने विश्वास चिकित्सक र परिवारको छ । तर थप उपचारको लागि २० देखी २५ लाख रुपैयाँ खर्च लाग्ने भएपछि परिवार कसरी पैसा जुटाउने चिन्तामा छ ।
लम्साल परिवारको अहिले आम्दानीको कुनै स्रोत छैन । २०५४ देखी ५९ सम्म नेपाल प्रहरीमा सेवा गरेका लेखनाथ द्धन्दकै क्रममा जागिर छोडेर शान्तिस्थापना पछि वैदेशिक रोजगारीमा खाडी मुलुक हानिए ।
छोरी विरामी भएपछि जागिर छोडेर नेपाल आएका उनी उपचारमा लाग्दा आम्दानीको अर्को कुनै माध्यम छैन । ‘ अहिलेसम्म त आफ्नो र ईष्टमित्रसँँँग खोजेर पनि खर्च गरेँ । थप उपचार गर्न पाए छोरीले नयाँ जीवन पाउने थिईन्’, लम्सालले भावुक हुँदै भने‘ म सँग अव उपचारमा लाग्ने पैसा छैन । सहयोगको लागि सवैसँग हात फैलाएको छु।’
लेखनाथले नेपाल प्रहरीमा हुँदा प्रहरी टिमवाट दर्जनौँ राष्ट्रिय तथा अन्तराष्ट्रिय प्रतियोगिताहरु खेले । सन् २००१ मा पाकिस्तानमा तय भएको भलिवलको ९ औं साफ गेममा राष्ट्रिय टिममा समेत महत्वपूर्ण स्थान वनाएका लेखनाथको दुर्भाग्यनै मान्नु पर्दछ त्यस वेला अन्तिम समयमा अमेरिकाको न्यूर्योक घटनापछि खेल स्थगित भयो ।
अलिसालाई सहयोग गर्न चाहने व्यक्ति तथा संस्थाहरुले उनको नाममा ओम डेभलपमेन्ट वैँक शाखा कार्यालय हेम्जामा खोलिएको बचत खाता नं ००५००७००१८१५५८०००००१ मा सहयोग रकम जम्मा गर्न सकिने छ । त्यसैगरि लेखनाथ लम्सालको मोवाईल नं ९८६१५१६६३०, पदम जिसी ९८५६०२८९०५ र सुरजमोहन पोखरेल ९८४६१३९६३७ लाई समेत सम्पर्क गरि सहयोग प्रदान गर्न सकिने छ ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग