बिराटनगर, २९ मंसिर / चुनाव जितेपछि नेता फर्केर नि आउादैनन् भनिन्छ । तर कतिपय नेताहरु प्रतिबद्धता दोहोर्याउँदै धन्यवाद व्यक्त गर्न दौडधुपमा छन् । यसमध्येममा पर्छन् मोरङको निर्वाचन क्षेत्र नम्बर ६ बाट प्रतिनिधिसभा सदस्यमा विजयी भएका वाम गठबन्धन उम्मेदवार एवं एमाले नेता पूर्व मन्त्री लालबाबु पण्डित ।
विजयी भएको पर्सिपल्टै बिराटनगरमा संयुक्त विजयीसभापछि आफ्ना क्षेत्रमा लालबाबु पुगिरहेका छन् । प्रतिनिधि र प्रदेशसभा सदस्य निर्वाचनमा विजयीहरु आफ्ना प्रतिवद्धता पूरा गर्ने बाचासहित निर्वाचन क्षेत्रमा घरदैलो अभियानमा उनी व्यस्त छन् ।
उनी यतिबेला घरघरमा पुगेर कार्यकर्ता एवं शुभचिन्तक र मतदातालाई धन्यवाद पनि दिइरहेका छन् । विराटनगरमा घरदैलो, मतदाता र शुभचिन्तक भेटघाट गरेपछि मंगलबार सुन्दरहरैंचामा आयोजित विजय ¥याली र सभामा सहभागी भए । गछिया बलियामा उस्तै भिड रह्यो । शुक्रबार बुढीगंगा गाउँपालिकामा धन्यवाद व्यक्त गर्न उनी पुगे ।
आफ्ना चुनावी एजेन्डालाई अनुमोदन गरिएको भन्दै सबै मतदातालाई धन्यवाद दिएर एजेन्डा स्थापित गराएरै छाड्ने प्रतिवद्धता दोहो¥याए । उनले निर्वाचनका बेला आफूले मतदातासंँग गरेका सबै प्रतिवद्धता पूरा गरेरै छाड्ने बताए । मेरो पहिलो प्राथमिकता जुनसुकै मूल्य चुकाएर भए पनि विराटनगरलाई १ नम्बर प्रदेशको राजधानी बनाउने नै हो, उनले भने ।
मोरङका ६ वटा निर्वाचन क्षेत्रमध्ये पाँचवटामा वाम गठबन्धन र एउटामा कांग्रेसका उम्मेदवार विजयी भएका छन् । १२ वटामा प्रदेशसभा मध्ये सातवटामा वाम गठबन्धन, चारवटामा कांग्रेस र एउटामा संघीय समाजवादी फोरम नेपालका उम्मेदवार विजयी भएका छन् ।
सम्बन्धित खबर
कीर्तिपुर जग्गाको साइनो ललिता निवाससँग छैन – शंकर पोखरेल
रास्वपा अनुशासन आयोगका उपप्रमुखले दिए पदबाट राजीनामा
भोलि र पर्सि बालबालिकालाई भिटामिन ‘ए’ र जुकाको औषधि खुवाइँदै
प्रधानमन्त्री दैवी प्रकोप उद्धार कोषमा पौने दुई अर्ब रकम जम्मा
चोभारको आदिनाथ मन्दिरमा एक महिने मेला शुरु
यस वर्षको बडादशैँ सकियो
यो पनि पढौँ
टीकाको अघिल्लो दिन जब छोराको शव आयो …
दुई साताअघिकाे संकटमा सयौँलाई जोगाएका सशस्त्र प्रहरी निरीक्षक बडुवाल आफै अस्ताए
पोखराको हेम्जामा यात्रु चढाइरहेको बसलाई टिप्परले ठक्कर दियो
दशैंमा तनहुँ ससुराली आएका ज्वाईंको मादीले बगाएर मृत्यु