पोखरा ।  सहारा क्लब पोखराको अध्यक्षमा पुनः केशवबहादुर थापा चयन भएका छन् । क्लबको सोमबार साँझ सम्पन्न भएको २१ औं साधारणसभा तथा ११ औं अधिवेशनले पुनः थापाको अध्यक्षतामा नयाँ कार्यसमिति चयन भएको हो । आगामी दुई बर्षीय कार्यकालको लागि १३ सदस्य नयाँ कार्यसमिति सर्वसम्मत रुपमा चयन भएको हो ।

क्लबको वरिष्ठ उपाध्यक्षमा पुनः हरिराम गुरुङ, उपाध्यक्षमा विश्वराज बराल, महासचिवमा रामजीप्रसाद अधिकारी, सचिवमा सुनिल राना मगर, कोषाध्यक्षमा पुनः राजु लालचन, सहकोषाध्यक्षमा विनु राना मगर चयन भएका हुन् । यस अघि बराल उपाध्यक्षमा रहेका थिए भने अधिकारी सचिबमा रहेका थिए । विनु सदस्य थिइन् ।

त्यसैगरी सदस्यहरुमा रोजिना गुरुङ, तिलकबहादुर अधिकारी, ज्योति केसी, सन्दीप सुवेदी, गंगाराज पौडेल र बिष्णु कार्की सर्वसम्मत रुपमा चयन भएका छन् । सुनिल राना मगर र बिष्णु कार्की उक्त कार्यसमितिमा नयाँ अनुहार हुन् । अन्य धेरै सदस्यमै दोहोरिएका छन् ।

सहारा एकेडेमीलाई गण्डकी सरकारले ३० लाख सहयोग गर्ने

यसअघि, गण्डकी प्रदेशका मुख्यमन्त्री पृथ्वीसुव्वा गुरुङले क्लबको साधारणसभाको उद्घाटन गरे । उनले खेलकूदको माध्यमबाट सामाजिक सेवामा समर्पित सहारा क्लवको भूमिका प्रशंसायोग्य भएको बताए । समाजका कठिन परिस्थित एवम् असहाय बालकलाई संरक्षण गर्दै क्लवले शैक्षिक, सामाजिक तथा खेल क्षेत्रमा कृयाशित गराउनुले उनीहरुको समग्र उन्नयनमा टेवा पुगेको उनको भनाई थियो ।

सामाजिक क्षेत्रमा क्लवले देखाएको सकृयता अरुका लागि पनि अनूकरणीय भएको चर्चा गर्दै मुख्यमन्त्री गुरुङले प्रदेश सरकारको तर्पmबाट सहारा एकेडेमिको प्रशासनिक सञ्चालनमा ३० लाख रुपैँया सहयोग गर्ने बताए । राज्यले निभाउनु पर्ने उत्तरदायित्व क्लवले पुरा गरेको उल्लेख गर्दै उनले सस्थाको सञ्चालनमा सरकारले नियमित बजेट नै व्यवस्था गरि सहयोग गर्ने प्रतिवद्धता व्यक्त गरे ।

क्लवबाट पत्रकार सन्देश श्रेष्ठलाई सहारा खेलकुद पत्रकारिता पुरस्कारबाट सम्मान गरे । क्लवले प्रत्येक बर्ष प्रदान गर्दै आएको सहारा खेलकूद पत्रकारिता पुरस्कारको राशी २० हजार ५५५ नगद, ताम्रपत्र र दोसल्ला रहेको छ । सोही अवसरमा यस बर्षको सहारा उत्कृष्ठ कर्मचारीबाट शान्ति केसीलाई सम्मान गरिएको थियो ।

राष्ट्रिय खेलकूद परिषदका सदस्य राशेज गुरुङले आसन्न दक्षिण एशियाली खेलकूद प्रतियोगिता (साग) लाई लक्षित गरि पोखरा रंगशालामा निर्माणाधिन संरचना तिब्ररुपमा बढेको जानकारी दिए ।  सहारा क्लवका अध्यक्ष केशवबहादुर थापाले सवैको साथ सहयोगमा सहारा एकेडेमि वर्तमान अवस्थासम्म आइपुगेको बताउँदै आगामी दिनमा पनि सहयोगको अपेक्षा गरिएको धारणा राखे ।

क्लवका महासचिव विश्वराज बरालले क्लव सामाजिक सेवामा निरन्तर कृयाशिल रहेको बताउँदै प्रदेश सरकारले सन् २०१९ आन्तरिक भ्रमण बर्ष मनाई रहदा र तेहौै सागका बिभिन्न खेलका पोखरामा हुने तय गरिनुले पर्यटन प्रवद्र्धनको प्रवल सम्भावना समेत गरेको बताए ।  उनले एकेडेमिमा हाल बिभिन्न १६ जिल्लाका २४ जना बाल आवासियरुपमा अध्ययनरत रहेको जानकारी दिए ।

कार्यक्रममा नेपाल पत्रकार महासंघ कास्कीका अध्यक्ष दीपेन्द्र श्रेष्ठ, पुरस्कृत व्यक्तित्व सन्देश श्रेष्ठ, सहारा युकेका महासचिव धनु थकाली, क्लवका बरिष्ठ उपाध्यक्ष सुरज गुरुङ लगायतले क्लवले खेलकूदको माध्येमबाट सामाजिक क्षेत्रका पु¥याएको योगदान महत्वपूर्ण रहेको धारणा राखे ।