गण्डक न्युज पोखरा, २४ मंसिर / विगत डेढ दशक देखि पोखरामा स्वास्थ्य क्षेत्रको बिटमा मात्र पत्रकारिता गरिरहेका पत्रकार ऋषि खतिवडा युआरएल पत्रकारिता पुरस्कार २०७४ बाट सम्मानित भएका छन् । पोखराको गिरी कम्प्लेक्स स्थित युनाइटेड रेफरेन्स ल्याबोरेटरी प्रालि(युआरएल)ले आफ्नो चौथो वार्षिकोत्सवको अवसरमा खतिवडालाई सो पुरस्कारबाट सम्मान गरेको हो ।
पुरस्कारको राशी १५ हजार नगद, ताम्रपत्र र दोसल्ला छ । शनिबार आयोजित समारोहमा पोखरा स्वास्थ्य विज्ञान प्रतिष्ठानका कुलपति प्राडा बुद्धिबहादुर थापा, पोखरा लेखनाथ महानगरका मेयर मानबहादुर जिसी, अस्पताल व्यवस्थापन विज्ञ डा. बच्चुकैलाश कैनी र युआरएलका अध्यक्ष सुशील थापाले खतिवडालाई सम्मान गरे ।
पोखरा स्वास्थ्य विज्ञान प्रतिष्ठानका उपकुलपति प्राडा बुद्धिबहादुर थापाले युआरएलले कास्की र प्रदेश ४ का विभिन्न स्थानमा सेवासँगै सामाजिक उत्तरदायित्वसमेत निर्वाह गरेको बताए । उनले अन्तर्राष्ट्रिय स्तरका रेफरेन्स ल्याबहरु स्थापना भएसँगै उपचारमा सहजता आएको उल्लेख गरे । थापाले भने, ‘२०५४ सालतिर यस्ता ल्याब नहुँदा काठमाडौं नमूना पठाएर १ हप्ता पर्खिनुपथ्र्याे ।’उनले समय समयमा स्वास्थ्य परीक्षण गरी स्वस्थ रहन आग्रह गरे । उपकुलपति थापाले ४, ५ महिनामा प्रतिष्ठानले एमबिबिएस अध्यापन गर्न सुरु गर्ने जानकारी दिए ।
पोखरा लेखनाथ महानगरका मेयर मानबहादुर जिसीले विश्वकै प्रतिश्पर्धी र उत्कृष्ट सेवासँगै सामाजिक उत्तरदायित्व निर्वाह गरी अगाडि बढ्नु अनुकरणीय भएको बताए । हस्पिटल व्यवस्थापन विज्ञ तथा युकेका लेबर पार्टीका नेता डा. बच्चुकैलाश कैनीले नेपालको स्वास्थ्य क्षेत्रका केही आशालाग्दा प्रयाससँगै विकृति, विसंगतिसमेत रहेको औंल्याए । उनले ती विसंगति अन्त्य गर्न सबैको एकीकृत प्रयास जरुरी भएको उनको भनाइ छ ।
नेपाल पत्रकार महासंघ कास्की अध्यक्ष दीपेन्द्र श्रेष्ठले पुरस्कृत व्यक्तित्व खतिवडालाई जुझारु, कर्मठ र इमान्दार पत्रकारको रुपमा चिनाए । अब जननिर्वाचित प्रतिनिधिहरुले जनताको आधारभूत अधिकार स्वास्थ्यलाई सहज, सरल र सुलभ बनाउन प्रयास गर्नुपर्ने उनको सुझाव छ ।
पुरस्कार योग्य प्रतिभा छनोट समिति संयोजक वद्रिविनोद प्रतिकले योगदान, निरन्तरता र पत्रकारितकको आदर्श अनुसार क्रियाशील खतिवडालाई समितिले सर्वसम्मत चयन गरेको बताए । पुरस्कृत व्यक्तित्व खतिवडाले पुरस्कारले अझै यो क्षेत्रमा क्रियाशील भएर योगदान गर्ने हौसला मिलेको बताए । उनले भने, ‘जनस्वास्थ्य पत्रकारितामार्फत् खासै बाहिर आएको छैन । यो क्षेत्रमा कलम चलाउने पत्रकारको खाँचो छ ।’
युआरएलका अध्यक्ष सुशील थापाले प्रदेश नं ४ लाई प्रयोगशालाको क्षेत्रमा आत्मनिर्भर बनाउने प्रयासमा आफूहरु रहेको बताए । उनले भने, ‘हामी सेवाग्राहीका लागि आवश्यक र संवेदनशील अन्य रक्त परीक्षण पनि सहज, सुलभ र सरल तवरले यही उपलब्ध गराउन प्रतिवद्ध छौं ।’
युआरएलका प्रबन्ध निर्देशक ठाकुरप्रसाद पन्तले ४ वर्षको अवधिमा रक्तपरीक्षण गरी असामान्य देखिएमा सम्बन्धित विशेषज्ञकहाँ जाने प्रचलन बढ्दै गएको बताए । उनले भने, ‘यो क्षेत्रका सर्वसाधारणमा स्वास्थ्यबारे चेतना निकै उच्च छ ।’ चुस्त व्यवस्थापन, सर्वाेत्कृष्ट प्रविधि र रसायनबाट सेवासँगै सामाजिक उत्तरदायित्व युआरएलको पहिचान बन्दै गएको उल्लेख गरे ।
कार्यक्रममा शिक्षाविद् हेडम्बप्रसाद कोइराला, मधुमेही समाज कास्की अध्यक्ष कृष्णप्रसाद बरालले पनि शुभकामना दिएका थिए । युआरएलका अध्यक्ष सुशील थापाको अध्यक्षतामा भएको कार्यक्रममा स्वागत युआरएलका ल्याब साइन्टिफिक अफिसर तथा सेयर सदस्य भूपेन्द्रराज पाण्डेय र सञ्चालन सञ्चारकर्मी अनिषा श्रेष्ठले गरेका थिए ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग