रञ्जन अधिकारी पोखरा, १७ मंसिर / नेपाली काँग्रेस कास्की क्षेत्र नम्बर २ प्रदेशसभा (ख) का उम्मेदवार विन्दुकुमार थापाको घरनजिक भेटिएको बम निस्क्रिय गरिएको छ ।
आईतबार साँझ ९ बजेतिर संकास्पद बस्तु भेटिएको थियो । निलो जेब्रा झोला भरिएको अवस्थामा देखिएपछि प्रहरीलाई खबर गरिएको थियो । दुई वटा बमलाई एक घण्टाको अन्तरमा नस्ट गरिएको छ । एउटालाई १०ः०३ बजे र अर्को १०ः ४८ बजे डिस्पोज गरिएको हो । नेपाली सेनाको बम डिस्पोजल टोलीले डिस्पोज गरेको हो ।
विन्दुकुमार थापाको घरमै कास्की क्षेत्र नं. २ चुनाव प्रचार कार्यालय खडा गरिएको छ । बम पाँच घर माथि गल्लीमा भेटिएको हो ।
थापा लक्षित गरी बम राखिएपनि बम पड्किएको खण्डमा नजिकैको घरमा क्षति पुग्ने थियो । यस्तो अमानवीय हर्कतको स्थानीयले चर्को निन्दा गरेका छन् । प्रहरीले बम कसले राख्यो भन्नेबारे नखुलेको जानकारी दियो ।
यसअघि गत मंसिर ८ गते बेलुकी बाम गठबन्धन कास्की क्षेत्र नं. २ प्रचार सचिवालयमा प्रेसर कुकर बम विस्फोट भएको थियो । यस्तै, मंसिर १० गते नेकपा एमाले कास्कीको पार्टी कार्यालय नजिकै दिउँसो पेट्रोल बम डिस्पोज गरिएको थियो ।
सम्बन्धित खबर
४७ करोड लागतमा बन्दै रुपा रिङरोडको दोस्रो खण्ड
संविधानको कार्यान्वयनसँगै समृद्धि हासिलः प्रदेश प्रमुख भट्ट
संविधान दिवस : स्याङ्जामा प्रभातफेरी
पश्चिमाञ्चल क्षेत्रीय अस्पतालमा गत वर्ष साढे ४ लाख बढीले लिए सेवा
हिसान कास्की अध्यक्षमा हिल पोइन्टका दिवाकर, सचिवमा प्रतिभाका किरण
प्रदेश प्रमुख भट्टद्वारा संविधान दिवसमा शुभकामना व्यक्त
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग