पोखरा, मंसिर १७ / नारायण गोपालको न्वारान कसले गर्यो तर ‘स्वरसम्राट’ को न्वारान भने पोखराले गरिदिएको हो ।
२०२८ सालमा पोखरामा भएको सांस्कृतिक कार्यक्रममा भूपी शेरचनले पहिलोपटक नारायण गोपाललाई ‘स्वरसम्राट’ ले सम्बोधन गरेका थिए । त्यसपछि नै जनस्तरबाट नारायण गोपाललाई स्वरसम्राट भन्न थालिएको हो ।
शुक्रबारको साँझ पोखरेलीले उनै स्वरसम्राटलाई सम्झिए । मंसिर १९ मा नारायण गोपालको २७ औं स्मृतिका सन्दर्भ पारेर पोखराका पाँच संस्थाले सांगीतिक कार्यक्रम गरे । संगीत प्रशिक्षण केन्द्र, त्रिवेणी संगीतालय, गुरुकुल संगीत प्रशिक्षण केन्द्र, तराना म्युजिक सेन्टर र जोजिजु म्युजिक स्कुलको संयुक्त आयोजनामा ‘नारायण गोपाल स्मृति साँझ’ भएको हो ।
कार्यक्रममा नयाँ एवं पुराना कलाकारले नारायण गोपालद्वारा स्वरबद्ध चर्चित गीत गाए । कलाकार रामभक्त जोजिजुले ‘बिर्सेर फेरि…’, श्रीमान् थुलुङ र कमला थापाले ‘हिमाल सरी…’, रश्मी अमात्यले ‘तिम्रोजस्तो मुटु…’, नितेश काफ्लेले ‘पोखिएर घामको झुल्का…’, प्रमिला बरालले ‘छोरीको जन्म…’ विनित जोजिजुले ‘लौ सुन म भन्छु…’ लगायत गीत प्रस्तुत गरे । मदन रानाभाट, एमडी काफ्ले, सन्तोष पराजुली, रोम तामाङ, टिना गुरुङ, सूर्य घताने, केशव सुवेदी, ममता गुरुङले पनि नारायण गोपालको गीत गाएर उनको स्मरण गरे ।
कवि तीर्थ श्रेष्ठले नारायण गोपालले पेमला लामालाई विवाह गरेपछि पोखरा ल्याएर राखेको किस्सा सुनाए । ‘त्यतिखेर अन्तरजातीय विवाहलाई नारायण गोपालको परिवारले स्विकार नगरेपछि उनी पेमलालाई लिएर पोखरा आएका हुन्,’ उनले सुनाए, ‘उनको ७–८ महिनाको पोखरा बसाइ यहाँको सांगीतिक माहोल बनाउन उपलब्धिमूलक रह्यो ।’ बिरामी भएर वीर अस्पतालमा भर्ना भएका नारायण गोपाललाई भेट्न जाने योजना बनाउँदा बनाउँदै उनको निधन भएकाले भेट्न नपाएको थकथकी श्रेष्ठमा अझै रहेछ । ‘नारायण गोपाल शवयात्रामा जत्तिको मानिसको उपस्थिति अरू कसैकोमा देखेको थिइँन,’ उनले सम्झिए ।
– दीपक परियार / कान्तिपुर
This will close in 3 seconds
सम्बन्धित खबर
गुमनाम विष्णु माझीले तीज गीत ल्याउँदै भनिन् – ‘आइन आमा यो तीजैमा’ [भिडियो]
‘यो देशमा बसेर दिन गन्ने मात्रै हो’ [भिडियो]
अनमोल र जसिताको ‘अन्तिम माया ‘ [भिडियो]
२१ वर्ष पछि लोकेन सुब्बाले ल्याए ‘कान्छी’ [भिडियो]
‘महाजात्रा’ को दोस्रो गीत ‘मुरी मुरी साथी’ सार्वजनिक (भिडियो)
मदन र मायाको `पिरैले सुकाउँछ ज्यान´ सार्वजनिक [भिडियो]
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग