पोखरा । पृथ्वी राजमार्ग बनाउने बेलामै पोखरा छिर्न बिजयपुर खोलामा पक्की पुल बनाईएको थियो । २०३८ सालको जनैपूर्णीमाको दिन पोखरामा ठूलो बर्षा भयो । काहुँखोलादेखिको पानी भरिएर बाढी आएपछि पुल सर्लक्कै बगायो । त्यसपछि बेलिव्रिज पुल बनाईयो । यसले लामो समय साथ दियो । २०६५ सालमा पुलले काम गर्न छोडेपछि नयाँ पुल बनाईयो । तर यो पुल गुणस्तरीय नभएपछि १० बर्ष नबित्दै कमजोर भैसकेको छ । अहिले पुल जीर्ण भएपछि नयाँ बेलिब्रिज राख्न धमाधम काम भैरहेको छ ।
असारभित्रै बेलिब्रिज तयार गर्ने बताईएपनि हालसम्म आधाआधी काम पनि सकिएको छैन । भदौभन्दा अघि पुल पूरा नहुने बताईएको छ । पोखरा भित्रिने पृथ्वी राजमार्गको एकमात्रै विकल्प बिजयपुर खोलाको यो पुल जोखिममा भएपछि ठूला गाडीलाई डाईभर्सन गरिएको थियो । त्यही डाईभर्सन पनि आईतबार रातीको बाढीले बगाएको छ । खोलामा राखिएको ह्युम पाईप सहितको डाईभर्सन बगाएको हो । डाईभर्सन बगाएपछि १० टनभन्दा बढी भार भएका गाडीको आवागमन नै बन्द भएको छ । विजयपुर पुल जीर्ण हुँदा १० टन भन्दा बढी भार भएका गाडीलाई त्यही डाईभर्सनबाट आवतजावत गर्ने ब्यवस्था मिलाईएको थियो । प्रदेश सरकारको सक्रियतामा गएको फागुन अन्तिम साता डाईभर्सन बनाईएको हो ।
बाढीले गर्दा चर्किएर जोखिममा परेको पक्की पुलमा राखिएको फलामको सपोर्ट समेत बगाएको छ । जसका कारण पुलबाट गाडी आउजाउ गर्न समस्या भएको छ । गत माघ महिनामा नियमित मर्मत गर्न लाग्दा पुल चर्केको पत्ता लागेको हो । त्यसपछि नयाँ बेलिब्रिज निर्माणको काम धमाधम थालिएको हो । पुल चर्केको थाहा पाएपछि मालबहाक ठूला गाडीलाई डाईभर्सन गर्न खोलामाथी ह्युम पाईप राखिएको हो । हलुका गाडी चाहीँ अहिलेपनि पुलबाटै वारपार गरिएको छ ।
प्रदेश सरकारले डाईभर्सनको काम पुनः सुरु गरेको छ । मुख्यमन्त्री, भौतिक पूर्वाधार विकास मन्त्री सहितको टोलीले पुलको निरीक्षण गरेका छन् भने डाईभर्सन बनाउन निर्देशन दिएका छन् । ‘संघ सरकारले हो राजमार्ग हेर्नुपर्ने । तर बाटो बगाएर गाडी रोकिए । संघ सरकार चुईंक्क बोलेन,’ भौतिक पूर्वाधार विकास मन्त्री रामशरण बस्नेतले भने, प्रदेश सरकारले हेरेर बस्न पनि सक्दैन । जनताको तत्कालको समस्या समाधान हामी गर्छौं । जतिसक्दो छिटो डाईभर्सन खुलाउँछौं ।’ २ करोड ५ लाखको लागतमा सोही खोलामा सडक डिभिजन कार्यालय पोखराले बेलिब्रिज निर्माण गर्न ठेक्का दिएको हो । – डिएनएनेपालबाट ।
तस्विरः सुदर्शन रञ्जित
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग