पोखरा, १० मंसिर / पोखरामै फेरि अर्को बम विस्फोट हुनु अघि नै डिस्पोज गरिएको छ । शुक्रबार साँझ नेकपा एमाले कास्की जिल्ला पार्टी कार्यालय नजिक रहेको पोखरा ९ को सम्पर्क कार्यालयमा गरिएको विस्फोटभन्दा ५० मिटरकै दुरीमा शनिबार पूर्वान्ह पेट्रोल बम भेटिएको थियो ।
दिउँसो अमरसिंहचौरमा एमाले अध्यक्ष ओलीले सम्बोधन गरिरहँदा एमालेकै कार्यालय अगाडि राखिएको बम एक बजेर सात मिनेटमा नेपाली सेनाको टोलीले डिस्पोज गरेका हुन् ।
दिउँसो ११ बजेतिर राखिएको हुन सक्ने स्थानीयले अनुमान गरेका छन् । मिनिरल वाटरको बोत्तलभरी पेट्रोल, तारहरु र फलामका टुक्राहरु एक बालकले देखेपछि घरमा खबर गरेका थिए । त्यसपछि प्रहरीलाई खबर गरेपछि सेनाको टोलीले डिस्पोज गरेको हो । ठूलो आवाजका साथ विस्फोट भएको थियो ।
अघिल्लो दिन शुक्रबार संयुक्त बाम गठबन्धनले चुनावी प्रचारका लागि स्थापना गरेको कार्यालयमै बम विस्फोट भएको थियो । बाम गठबन्धनले पोखरा वडा नं. ९ मा प्रचारका लागि खडा गरेको कार्यालय अगाडि सटरमै विस्फोट भएको हो । त्यसै घर नजिकै शान्तिबन ओरालो नजिकै सब्जीमण्डी तिरको सिंढीमै बम राखिएको थियो ।
नेकपा एमालेको पार्टी कार्यालय सो घरबाट २० मिटर दुरीमा रहेको छ । कास्की क्षेत्र नं. २ अन्तर्गत बाम गठबन्धनका तर्फबाट प्रतिनिधि सभा सदस्यमा रविन्द्र अधिकारी र प्रदेश सभा सदस्यमा राजकाजी गुरुङ करण उम्मेदवार छन् ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग