जाजरकोट –डोल्पाको पाटनमा यार्सागुम्बा संकलनका लागि गएका आठ जनाको मृत्यु भएको छ । अधिकांशको मृत्यु लेक लागेर र केहीका भिरबाट लडेर मृत्यु भएको प्रहरीले जनाएको छ । यार्सा संकलनका लागि जाँदै गर्दा शेफोक्सुण्डो गाउँपालिकाको लामा डाँडालेकमा लेक लागेर जुम्ला पतारासी गाउपालिका ६ का १७ वर्षीय गोपाल विष्टको मृत्यु भएको हो ।
यस्तै जेठ १० गते कागमारास्थित लेकमा भिरबाट लडेर जुम्ला गोठीचौर गाउँपालिका ४ का ४४ वर्षीय जयकृण पाण्डे मृत्यु भयो । जेठ १६ गते ग्यालवारा पाटनमा भीरबाट लडेर डोल्पा ठूलीभेरी नगरपालिका ११ वर्ष ३८ की बुद्धिकुमारी कार्कीको निधन भयो। जेठ १७ गते शेफोक्सुन्डो गाउपालिकाको प्यारीकोप्कामा लेक लागेर जाजरकोटका बारेकोट गाउँपालिका ६ का २२ वर्षीय रमेश चलाउनेको मृत्यु भयो। जेठ १८ गते लेक लागेर जाजरकाटको बारेकोट गाउँपालिका १ का १८ वर्षीय कृष्ण विकको निधन भएको थियो।
त्यस्तै डोल्पो बुद्ध गाउँपालिकाको ताक्सी लेकमा जेठ २० मा लेक लागेर रुकुम पश्चिम आठविसकोट नगरपालिका ९ का ३९ वर्षीय कृष्णबहादुर शाहीको निधन भयो। जेठ १९मा ग्यालवारा पाटनमा डोल्पा ठूलीभेरी नगरपालिका ५ की ४० वर्षीया धनकला बुढाको मृत्यु भयो। यस्तै चिसोको कारण यही जेठ २० गते काइके गाउपालिकाको व्यास रिखीमा कान्छी विकको नवजात शिशुको मृत्यु भएको जिल्ला प्रहरी कार्यलय डोल्पाले जनाएको छ ।
फोनको पहुँच नभएका कारण के कति बिरामी छन् र कहाँ के भइरहेको थाहा हुन नसकेको जनाइएको छ । यार्सा संकलनकर्ताको स्वास्थ्यलाई ध्यान दिएर नौ ठाउँमा स्वास्थ्य शिविर राखिएको छ । शिविरहरूमा घाइते र बिरामीको उपचार भइरहेको छ। डोल्पाका ७० भन्दा बढी पाटनमा यार्सागुम्बा संकलन भइरहेको छ।
This will close in 3 seconds
सम्बन्धित खबर
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
पोखरा -१५ मा तीज गीत प्रतियोगिता, माछापुच्छ्रे चौतारी आमा समूह पहिलो
स्वास्थ्यमन्त्री पाठकको पहिलो निर्णय : नसर्ने रोगको स्क्रिनिङ गर्ने
गण्डकीका पाँच वटै यातायात कार्यालयमा हेल्प डेस्क राख्ने निर्णय
गण्डकीका स्वास्थ्यमन्त्री: माओवादीको विरोध गर्दा ‘डेथ वारेन्ट’
बुवाको मुख हेर्ने दिनमा सफल दहीको शुभकामना सन्देश
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग