पोखरा :  बेगनास तालमा हप्तैपिच्छे बृहत् सरसफाईे अभियानको सुरु भएको ५४ औं हप्ता पुगेको छ । व्युटिफुल वेगनासलाई आत्मसाथ गर्दै स्थानीय वेगनास युवा क्लवले सुरु गरेको वेगनासतालमा हप्तैपिच्छे सरसफाई अभियान शनिबार ५४ औं पुगेको क्लवका अध्यक्ष राम रानाभाटले जानकारी दिए ।

‘वेगनास आफैमा पर्यटकीय स्थल हो । यहाँ हुने फोहोर यस क्षेत्रको ईज्जतसंग जोडिएको हुन्छ’ उनले भने, ‘पर्यटकको आतिथ्यतामा फरकपनको आभाष होस् र स्थानीय ठाउँहरु आफैं सफा राख्नु पर्छ भन्ने हेतुले सचेतनाका लागि यो अभियान नै गरेका हौँ ।’

शनिवार मन्धरेपार्क नजिकै रहेको प्रतिक्षालय पछाडी वाट मात्रै १० वोरा फोहोर निकालिएको थियो । उक्त स्थानमा डुङ्गा व्यबसायीले फोहोर उठाउने जिम्मा लिए पनि समितिको लापरबाहीले गर्दा केही हप्ता देखि फोहोर उठ्न सकेको थिएन ।

यस हप्ता पनि क्लव भवन देखि शुरु भएर मन्धरेपार्क, ड्यामसाईड,पर्यटन मार्ग, नहरचोक, वसपार्क हुँदै क्लव भवन सम्म सफाई गरिएको थियो। शनिबारमात्रै १५ वोरा फोहोर संकलन भएको हो ।