पोखरा , ७ वैशाख । पोखराको ट्रेड मल पछाडि फेरि शंकास्पद वस्तु भेटिएको छ । ट्रेड मल नजिकैको भित्री सडक चोक छेउमा शंकास्पद वस्तु भेटिएको हो । बिहान साढे ६ बजे सो स्थानमा एकतर्फ झोला र अर्को तर्फ बम जस्तै वस्तु भेटियो । त्यसअघि नै कसैले ल्याएर छाडेको हुन सक्ने अनुमान गरिएको छ ।

यसअघि, न्यूरोडबाट ट्रेडमल छिर्ने गल्लीमा बम भेटिएको थियो । नेकपा विप्लव समूहले बन्द घोषणा गरेको दिन एक महिलाले बम ल्याएर छाडेकी थिईन् । झण्डै डेढ घण्टा ढिलो मात्र शंकास्पद वस्तु निष्तेज गर्नका लागि बम डिस्पोजल टोली बिजयपुरबाट आएको थियो । साढे ८ बजे डिस्पोज गरिएको छ । त्यसअघि, नेपाली सेना र नेपाल पुलिसको टोलीले घटनास्थल नियन्त्रणमा लिएको थियो ।

यहाँ कालीभञ्जन गणको टोलीले बम डिस्पोज गर्ने गर्दछ । बन्दको दिन नदिपुर क्षेत्रमा बम डिस्पोज गर्दा एक अमल्दार घाइते भएका थिए । सो दिन चार ठाउँमा यहाँ बम र शंकास्पद वस्तु भेटिएको थियो ।

https://www.facebook.com/gandaknews/videos/519227481942034/