पोखरा : १६ बर्षीया किशोरीलाई बलात्कार गरेको आरोपमा पक्राउ परेका अभियुक्त सुन्दर कुमार श्रेष्ठ धरौटीमा रिहा भएका छन् । बलात्कार गरेको आरोपमा पक्राउ परेका पोखरा उपत्यका नगर विकास समितिका अध्यक्ष श्रेष्ठलाई बुधबार ५ लाख रुपैँया धरौटीमा रिहा गरेको हो । उनलाई जिल्ला अदालत कास्कीका न्यायाधीश लालकाजी श्रेष्ठको इजालसले धरौटीमा छाड्न आदेश दिएका हुन् ।
होटल व्यवसायी श्रेष्ठलाई आफनो घर नजिक एकाघरमा आश्रित बालिकामाथि २०७४ साल असोज महिनादेखि पटक पटक बलात्कार गरेको आरोप लागेको थियो। बलात्कारका आरोपी श्रेष्ठलाई चैत्र ८ गते पक्राउ गरिएको थियो।
दुई दिनदेखि चलेको थुनछेक बहसपछि बुधबार श्रेष्ठलाई अदालतले थुनामा राखी कार्वाही गर्न नपर्ने भन्ने आदेश गरेको छ। वादीकातर्फबाट जिल्ला महान्यायाधिबक्ता गुरुप्रसाद वाग्ले, पूर्णप्रसाद शर्मा र अधिबक्ता भुवन पराजुली काफ्लेले बहस गरेका थिए ।
प्रतिवादी सुन्दरकुमार श्रेष्ठको तर्फबाट बरिष्ठ अधिबक्ताद्धय कृष्ण बहादुर थापा, रमनकुमार श्रेष्ठ, नेपालबार एशोशिएसनका गण्डकी उपाध्यक्ष अधिवक्ता सुरेन्द्र थापा मगर, उच्च बार पोखराका अध्यक्ष अधिबक्ता रोहितराज बास्तोला, अधिबक्ता गोबिन्द पौडेल, अधिबक्ता योगेन्द्र बहादुर अधिकारी, अधिबक्ता मिलन राई लगायतले पैरवी गरेका थिए।
श्रेष्ठलाई मुलुकी अपराध संहिता २०७४ को दफा २१९ को १(२) को कसुर गरेको आरोपमा (३) घ बमोजिम १० देखि १२ बर्षसम्म कैद र मनासिव अनुसारको क्षतिको मागदावी गरिएको श्रेष्ठ बिरुद्ध जवरजस्ती करणी मुद्धा दायर भएको थियो ।
निज बालिकामाथि यौन दुव्र्यबहार गरेको आरोप लागेका एनआइसी एसिया बैंक, प्रस्याङ शाखाका म्यानेजर सुवास सुवेदीलाई अदालतले यसअघि नै ३ लाख धरौटीमा हिरासतमुक्त गरेको थियो।
सम्बन्धित समाचारहरु :-
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
जीवनको मुक्ति साधना, सफलताका लागि कर्म अनिवार्यः प्रदेश प्रमुख भट्ट
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग