तीजमा हराएको छाताको अभाव राजु ढकाललाई अझै छ । पशुपति शर्मा, देवी घर्ती र सुस्मिता घर्तीसँग ‘छाता हरायो, लौरी हरायो’ भन्दै गुनासो गरेका राजु अहिले नाता जोड्न ‘छाता थिएन’ भन्दै फेरि झुल्किएका छन् । तर, आफ्नै सालीलाई छाता माग्ने नाता थिएन भन्दै ढाँटेका छन् । यसो भन्न शिव हमालले बाध्य पारेका हुन् । शिशिर पौडेल र अञ्जली अधिकारीलाई पनि राजु र सुष्मितासँगै ‘हो मा हो’ मिलाउन बाध्य पारेका छन् हमालले ।
पाँच जनाको यो कम्बिनेशन भर्खरै युट्युबमार्फत सार्वजनिक भएको ‘छाता थिएन’ बोलको गीतमा मिलेको हो । यस गीतलाई विशाल गुरुङले प्रस्तुत गरेका छन् । पछिल्लो समय गायनसँगै गीतका भिडियोहरुमा पनि छाईरहेका राजु ढकालले आफ्नै साली सुष्मिता घर्तीमगरसँग स्वर मिलाएका छन् । दिदी देवी घर्तीसँग दुरुस्तै लाग्ने स्वर भएकी सुष्मिताले घुम्टे साइलो, सिंगापुरे सारी, कस्तो माया लगायतका चर्चित गीतहरु ल्याइसकेकी छिन् ।
चर्चित लय तथा शब्द संकलक शिव हमालले मनमा प्रेमको अंकुर पलाएपनि व्यक्त गर्न नसकेको भावलाई मिठो शब्दमा उनेका छन् । यस गीतलाई तिलक ओलीले एरेन्ज गरेर कर्णप्रिय बनाएका छन् ।
दुर्गा पौडेलले आफैले खिचेर चर्चित मोडलद्वय शिशिर र अञ्जलीलाई झन् राम्रा र आकर्षक तरिकाले देखाएका छन् । उनीहरुको बाल्यकालको भूमिका आयुष वाग्ले र पुष्पा पन्तले निभाएका छन् । नवीन घर्तीमगरले भिडियो काँटछाट गरेका हुन् । भिडियो गायनजोडी देवी घर्ती र राजु ढकालको आफ्नै युट्युब च्यानलमार्फत भर्खरै सार्वजनिक भएको छ ।
This will close in 3 seconds
सम्बन्धित खबर
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
पोखरा -१५ मा तीज गीत प्रतियोगिता, माछापुच्छ्रे चौतारी आमा समूह पहिलो
स्वास्थ्यमन्त्री पाठकको पहिलो निर्णय : नसर्ने रोगको स्क्रिनिङ गर्ने
गण्डकीका पाँच वटै यातायात कार्यालयमा हेल्प डेस्क राख्ने निर्णय
गण्डकीका स्वास्थ्यमन्त्री: माओवादीको विरोध गर्दा ‘डेथ वारेन्ट’
बुवाको मुख हेर्ने दिनमा सफल दहीको शुभकामना सन्देश
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग