रञ्जन अधिकारी पोखरा, १६ कार्तिक / ‘दुई पटक नाम दर्ता गर्दा दस्तखत गरेको कलम हो । ल है’ उम्मेदवारी दर्ता गर्ने क्रममा माओवादी केन्द्रका राजकाजी गुरुङ करणले कलम समात्नासाथ एमाले नेता रविन्द्र अधिकारीले फ्याट्टै भनिहाले । करणले दस्तखत गर्न लागेको त्यो कालो मसीको पाइलट पेन रवीन्द्र अधिकारीको थियो ।
सहकारी डिभिजन तथा प्रशिक्षण कार्यालयको प्रांगणमा कास्की क्षेत्र नंं २ को उम्मेदवारी दर्ता चल्दै थियो । प्रतिनिधिसभा सदस्यका लागि सबैभन्दा पहिले बाम गठबन्धनका तर्फबाट अधिकारीले नै उम्मेदवारी दर्ता गरे । त्यसपछि क्षेत्र नं. २ क प्रदेश सभा सदस्यमा एमाले कास्कीका अध्यक्ष कृष्ण थापाले उम्मेदवारी दर्ता गरे । क्षेत्र नं. २ ख मा माओवादीका तर्फबाट करणले प्रदेश सभा सदस्यको उम्मेदवारी दर्ता गर्ने क्रममा केहिबेर हाँसीमजाक नै चल्यो । ‘हो क्या, कस्तो संयोग, यही कलम हो ।’ अधिकारीले यति भन्दा करण मुसुमुसु हाँस्दै थिए ।
एमाले नेता अधिकारीले यस कलमबाट दस्तखत गरे जीत सुनिश्चित छ भन्ने इंगित गर्न खोजेका थिए । दुई पटकसम्म सोहि कलमले उम्मेदवारी दर्ता फाराममा दस्तखत धस्काएका अधिकारी दुवै पटक विजयी भएका थिए । २०६४ सालमा र २०७० सालको दुई पटकको संविधानसभा निर्वाचनमा उनले सहजै जीत हात पारेका थिए । पहिलो संविधानसभामा निकटतम प्रतिद्वन्द्वी तत्कालिन नेकपा माओवादीका नेता झलकपाणी तिवारी थिए भने दोस्रो संविधानसभामा काँग्रेसका पुराना नेता शोभियत बहादुर अधिकारी । करणले पनि कास्की क्षेत्र नंं. २ बाट पहिलो संविधानसभा निर्वाचन जितेका थिए ।
नजिकै जिल्ला समन्वय समिति कार्यालय प्रांगणमा भिडभाड थियो । कोहि खुल्ला चौरमा राजनीतिक गफ चुट्न व्यस्त थिए । पत्रकारहरु पनि चौरमा बसेर उम्मेदवारहरुको प्रतिक्षामै थिए । जिल्ला समन्वय समितिमा क्षेत्र नं. ३ बाट प्रतिनिधि सभा सदस्यका लागि जगत विश्वकर्मा उम्मेदवारी दर्ता गर्दै थिए । बीचमा प्रदेश सभाका लागि क बाट माओवादीका रामजी बराल जीवन थिए । ख तर्फ एमालेका राजिव पहारी उम्मेदवारी दर्ता गराउँदै थिए । पोखरा उपत्यका नगर विकास समितिको हलमा क्षेत्र नं. १ को उम्मेदवारी दर्ता भईरहेको थियो । बाम गठबन्धनका सबै एकैपटक हलमा छिरे । पूर्व मन्त्री समेत रहेका एमाले नेता खगराज अधिकारी ढोकामा छिर्ने बेला मेरो प्रस्तावक समर्थक को हो हुन् भन्दै थिए । पुराना नेता श्रीनाथ बराल खै म पनि सँगै छु भन्दै हँसाउँदै थिए । मेयरमा पनि मतदानका कारण नसमेटिएका उनी यस पटक पनि मतदान भएपछि जिल्लाबाट सिफारिसमै नअटाएका नेता हुन् । पूर्व सांसद चुडामणी जंगली बिक खादा भिरेरै अधिकारीसँगै थिए । मानबहादुर जिसी र तेजकुमारी पौडेलको प्रस्ताव, समर्थनमा उनले उम्मेदवारी दर्ता गरे ।
नजिकै प्रदेश नं. १ क प्रदेश सभाका लागि माओवादीका दीपक कोईराला र ख तर्फबाट एमालेका मनबहादुर गुरुङले उम्मेदवारी दर्ता गरे । केहिछिन पछि नयाँ शक्तिका तर्फबाट सौगात पोखरेल लगायतले उम्मेदवारी दर्ता गरे ।
बाम गठबन्धनका उम्मेदवारले दर्ता गरेर निस्कनासाथ काँग्रेसका नेताहरु प्रवेश गरे । बहालवाला कानुनमन्त्री यज्ञबहादुर थापा पूर्व स्वास्थ्यमन्त्री खगराज अधिकारीले दर्ता गराएकै टेबलमा बसेर नाम दर्ता गरे । कास्की क्षेत्र नं. १ को क प्रदेश सभामा जीवन परियार र ख मा जिल्ला सभापति कृष्ण केसीले उम्मेदवारी दर्ता गरे ।
पूर्व सांसद शारदा पौडेल र विन्दुकुमार थापा भने बाटैमा अलमलिए । दुवै जनासँग एकपछि अर्को गरी सेल्फी खिच्ने भिडमै उनीहरु रुमल्लिए । क्षेत्र नं. २ को दर्ता स्थल सहकारी भवनतिर लाग्नुपर्नेमा थापा पौडेलकै पछि पछि जिल्ला समन्वय समिति तर्फ छिरे । पछि मात्रै उनी फर्केर गएका थिए । क्षेत्र नं. ३ को प्रतिनिधिसभा सदस्यका लागि शुक्रराज शर्मा भने अगाडि नै छिरेर नाम दर्ता गराउँदै थिए । सो क्षेत्र को क प्रदेश सभाका लागि शारदा पौडेल र ख तर्फ भोजबहादुर गुरुङ सिकन्दर उम्मेदवार छन् । क्षेत्र नंं २ को प्रतिनिधि सभाका लागि देवराज चालिसे आफ्ना निकटका साथ उम्मेदवारी दर्ता गरे । क तर्फ गुरु बराल र ख तर्फ विन्दुकुमार थापाले प्रदेश सभा सदस्यका लागि काँग्रेसबाट उम्मेदवारी दर्ता गरे । यसअघि नै, काँग्रेसका नेता नरेशशंकर पालिखेले थापा विरुद्ध उम्मेदवारी दर्ता गरिसकेका थिए ।
उम्मेदवारी दर्ता अघि बाम गठबन्धन र काँग्रेस दुवैले बाजागाजा सहित ठूला ठूला झण्डा बोकेर ¥याली सहित दर्तास्थल आएका थिए । नेकपा एमालेको पार्टी कार्यालय शान्तिबन र माओवादीको पार्टी कार्यालयबाट निस्केको ¥याली सिर्जनाचोकमा मिसिएर संयुक्त रुपमा उम्मेदवारी दर्ता स्थल पुगेको हो भने काँग्रेसको ¥याली पोखरा सभागृहबाट सुरु भएको थियो । उम्मेदवारी दर्ता सकिएपछि बाम गठबन्धनले रत्नचोक पुगेर संयुक्त सभा ग¥यो भने काँग्रेसले रत्नचोकमा सभा आयोजना ग¥यो । दुवै सभामा प्रतिनिधि तथा प्रदेश सभा सदस्यका उम्मेदवारले बोले ।
पार्टीबाट टिकट पाउनेहरु हर्षोल्लाषका साथ उम्मेदवारी दर्ता गर्दा टिकट पाउन नसकेकाहरु भने कोहि बागी उठे त कोहि सहभागी नै भएनन् । नेकपा एमालेका तर्फबाट जिल्लाबाटै बढारिएकाहरु पनि खुशीसाथ सहभागी भएको देखिन्थ्यो । श्रीनाथ बराल, सीता गिरी ओली दर्ता स्थल नै पुगे । तुलबहादुर गुरुङ पार्टी कार्यालयमा देखिन्थ्यो । काँग्रेसबाट भने बागी उम्मेदवारी दर्ता गर्न पुगेका पालिखेबाहेक देखिएन । तारानाथ रानाभाट स्वयं अस्वस्थ छन् । महादेव गुरुङ, शोभियतबहादुर अधिकारी, मनोज गुरुङ, रामचन्द्र त्रिपाठी, रंगीला आचार्य कोहि देखिएनन् । माओवादीका पुराना नेता झलकपाणी तिवारी, विश्वप्रकाश लामिछाने पनि देखिएनन् । कास्कीमा तामझामका साथ पुगेर नेताहरुले उम्मेदवारी दर्ता गरेका छन् । निकै सौहार्द वातावरणमा उनीहरु चुनावी मैदानमा होमिएका छन् ।
This will close in 3 seconds
सम्बन्धित खबर
डा. चैतन्य अधिकारीको ‘जुद्ध शमशेरका नाममा’ कविता सङ्ग्रह लोकार्पण
बैंक तथा वित्तीय क्षेत्रको समस्यामा प्रतिफल आउने गरी काम गर्छुः गोकर्ण कार्की
काम गर्न राम्रो टीम चाहिन्छ, त्यो हामीले लिएर आएका छौँः अर्जुन पोखरेल
‘नारामा युवा पटकपटक, नेतृत्वमा युवा यस पटक’ – सौगात थापा
गौथली सामुदायिक विकास केन्द्रको हरितालिका तीज मेला तथा खेलकुद समापन
‘मानिया’ इनर्जी ड्रिंक पिउँदा तामाङ्गले जिते ३२ इन्चको एलइडी टिभी
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग