तनहुँमा दिनदिनै दुर्घटना भएको छ । व्यास नगरपालिका १२ तल्लो छिर्कनेमा शुक्रवार बस र ट्रक एक आपसमा ठक्कर खाँदा ५ जना घाइते भएको प्रहरीले जनाएको छ ।

डुम्रेतर्फबाट दमौलीतर्फ आउँदै गरेको ना ५ ख ४०४० नम्बरको यात्रुबाहक बस र विपरित दिशाबाट जाँदै गरेको ना ६ ख २३९ नम्बरको ट्रक एक आपसमा ठक्कर खाएको प्रहरीले जनाएको छ ।

घाइते हुनेमा नवलपरासी (पूर्व) गैंडाकोट नगरपालिका २ का ६२ बर्षिय इन्द्र प्रसाद भुषाल, गैडाकोट नगरपालिका १ का २३ बर्षिया आशा रुवाले, ३५ बर्षिया श्रीमाया गुरुङ, ५२ बर्षिया इश्वर प्रसाद भट्टराई र ट्रक चालक चितवनको भरतपुर महानगरपालिका १६ बस्ने २३ बर्षिय नारायण श्रेष्ठ रहेको प्रदेश प्रहरी कार्यालयले जनाएको छ ।

घाईतेहरुको लक्ष्मी अस्पताल डुम्रेमा उपचार भइरहेको छ । विहिबार राति मात्रै धयरेमा माइक्रो र स्कार्पियो ठक्कर खाँदा २० जना घाईते भएका थिए ।