चितवन। चितवनको राप्ती नगरपालिका वडा नं १३ को धादिङ जिल्लासंगको सीमा जोडिएको पहाडी ईलाका ब्रादुमा एकजना १६ वर्षीया चेपाङ वालिकामाथी बलात्कार भएको छ । अर्की १० वर्षीया वालिकामाथी निर्घात कुटपिट भएको छ ।
दुई बालिका माघ ६ गते बिहान घरायसी सामान किनमेलका लागि धादिङ जिल्लातर्फ पर्ने गोठी भन्ज्याङ बजार गएका थिए ।
दिउँसो घर फर्किंदा पिछा गर्दै आएका एक अपरिचित युवकले अनकन्टार जंगल र भीरको बाटोबाट हिंडिरहेको मौका छोपी दुईमध्ये १६ वर्षकी बालिकालाई लखेटेर जबर्जस्ती कब्जामा लिएका थिए ।
आपराधिक नियतका ती युवकको दुवै बालिकाले संयुक्त प्रतिकार गर्दा १० वर्षकी बालिकालाई टाउको र हातमा अङ्गभङ्ग हुनेगरी लाठीले हानेर लखेटी अर्की बालिकालाई समातेर राखेका थिए ।
जबर्जस्ती बलात्कारको प्रयास गरेपछि उम्किन खोजेकी ती बालिकालाई पनि टाउकोमा लाठीले हानेर सख्त घाइते बनाई बलात्कारपछि जंगलमा छाडेर अपराध गर्ने युवक फरार भएका छन ।
घाइते अवस्थामा आतंकित हुँदै घर पुगेकी १० वर्षीया बालिकाले घटनाबारे बताएपछि खोजतलासमा गएका अभिभावकहरूले बलात्कृत बालिकालाई दिउँसो साढे दुई बजेतिर गम्भीर घाइते भई बोल्न नसक्ने अवस्थामा फेला पारेका थिए ।
उनीहरूले घटनास्थलबाट उद्धार गरिएकी ती बालिका र भागेर घर पुगेकी अर्की घाइते बालिकालाई राति अबेर भण्डारा मलेखु चेपाङ मार्गसम्म ल्याइपुर्याए ।
त्यहाँबाट इलाका प्रहरी कार्यालय भण्डारा, चितवनको सहयोगमा उपलब्ध गाडीमा राखी कान्देश्वरी आधारभूत विद्यालय राप्ती नगरपालिका९१३, चितवनका प्रधानाध्यापक बालकृष्ण थपलिया, पीडित बालिकाका अभिभावकहरू र प्रहरीको टोलीले राति २ बजे दुवै बालिकालाई भरतपुर अस्पताल ल्याइएकोे हो ।
कुटपिटबाट टाउको फुटेका र शरीरका विभिन्न भागमा गहिरो चोट लागेका दुवै पीडितको उपचार अस्पतालमा चलिरहेको छ । एउटी बालिका बर्बरतापूर्ण बलात्कारबाट विक्षिप्त अवस्थामा छिन् भने अर्की बालिकाको एउटा हात नचल्ने अवस्थामा छ ।
फरार अभियुक्तको खोजीकार्य भईरहेको चितवन प्रहरीले जनाएको छ ।
सम्बन्धित खबर
प्रधानमन्त्री ओली अमेरिका प्रस्थान
आजको मौसम पूर्वानुमान
राउटे युवक वृषबहादुरको मृत्यु, जनसङ्ख्या १३४ मा झर्यो
संविधान संशोधनमा कांग्रेस-एमाले गम्भीर बने हामी पनि भाग्दैनौँ : प्रचण्ड [अन्तर्वार्ता]
संविधान संशोधनबाट राजनीतिक अस्थिरताको सम्बोधन गर्न सकिन्छ: प्रधानमन्त्री ओली
आजदेखि धरहरा चढ्न पाइने, हाललाई प्रवेश निःशुल्क
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग