पोखरा । सहकर्मी डाक्टरलाई केही दिनअघि हातपात गरेका डा. बद्रि पौडेलले सोमबार साँझ पत्रकारलाई पनि दुव्र्यवहार र हातपात गरेका छन् । पृथ्वीचोकको चरक मेमोरियल अस्पतालमा कार्यरत डा. पौडेलले फेवा टेलिभिजनका स्टेशन म्यानेजर हेमराज अधिकारी र क्यामेरा पर्सन समिर सुनारमाथि दुव्र्यवहार र हातपात गरेका हुन् ।

केही दिनअघि डा. बद्रि लगायतले डा. ऋषिराम ढकाललाई अस्पतालमै हातपात गरेका थिए । सोही विषयमा रिपोर्टिङ गर्न पुगेका अधिकारी र सुनारमाथि डा. पौडेलले अभद्र व्यवहार गरेका हुन् । विनम्र तवरले घटनाबारे सोधिरहेका अधिकारीलाई डा. पौडेलले भाइ बढ्ता होइन भन्दै पिठ्युमा धकेलेका थिए ।

https://www.facebook.com/fewatelevision/videos/1015379608653689/

चरक अस्पतालका निवर्तमान अध्यक्षसमेत रहेका वद्रिको व्यवहार सभ्य नागरिकबाट अपेक्षा नगरिने खालको भएको नेपाल चिकित्सक संघ गण्डकी अध्यक्ष डा. निर्मल लामिछाने बताउँछन् । उनले यसबारे डा. बद्रिलाई ध्यानाकर्षण गराउने बताए ।

अस्पतालका एक्सरे, प्रयोगशाला, फार्मेसी, फिजियोथेरापी अहिले अस्पतालले नभएर अरुले नै चलाइरहेका छन् । नागढुंगामा नयाँ भवन बनेपछि अस्पतालले नै यी विभाग चलाउने विषयमा विवाद भएको हो । एक्सरे, प्रयोगशाला, फार्मेसी, फिजियोथेरापी व्यक्तिले चलाउने त्यहाँबाट आउने मोटो कमिसन रोकिने भएपछि डा. बद्रि पहिलेदेखि नै यसको विपक्षमा थिए । यस्ता केही विभागमा डा. वद्रीको अप्रत्यक्ष लगानीसमेत भएको स्रोत बताउँछ । प्रशस्त नाफा हुने फार्मेसी, ल्याब आदिबाट कमिसन र नाफा दुवै कमाइरहेका बद्रीसँग यही विषयमा विवाद भएपछि हालै भएको साधारणसभाबाट अल्पमतमा परेर अध्यक्षबाट बाहिरिएका थिए ।

पत्रकार महासंघद्वारा खेद व्यक्त

यसैबीच, बुधबार पत्रकार महासंघ, कास्कीले प्रेस विज्ञप्ती जारी गर्दै डा. बद्री पौडेलबाट भएको दुव्र्यवहारप्रति खेद व्यक्त गरेको छ । महासंघ कास्की अध्यक्ष दीपेन्द्र श्रेष्ठले यो दुव्र्यवहार स्वतन्त्र प्रेस माथि गरिएको आक्रमणको रुपमा बुझेको प्रष्ट पारेका छन् ।

हेर्नुहोस् विज्ञप्ति:

प्रेस संगठन नेपालद्वारा घटनाको भत्र्सना 

मंगलबार विज्ञप्ति निकालेर प्रेस संगठन नेपाल कास्की शाखाले घटनाको भत्र्सना गरेको छ । प्रेस संगठनका कास्कीका नेताद्वय माधव बराल र सन्देश श्रेष्ठले संयुक्त रुपमा विज्ञप्ति जारी गर्दै पत्रकारमाथि भएको अभद्र व्यवहार सह्य नभएको र प्रशासनले दोषीलाई कानुन अनुसार कारवाही गरी निर्भिकताका साथ समाचार संकलन गर्ने वातावरण बनाउन माग गरिएको छ ।