पूर्व राजालाई दमौलीमा स्वागत, ‘गाऊँघरमा हल्ला छ, राजा ल्याउने सल्लाह छ’ नारा घन्कियो (फोटो फिचर)

किरण श्रेष्ठ बुधबार, १८ पौष २०७५

१८ पौष २०७५

तनहुँ । पूर्व राजा ज्ञानेन्द्र शाहलाई बुधवार तनहुँको दमौली बजारमा भव्य स्वागत गरिएको छ । सडक मार्ग हुदै पोखराबाट काठमाडौँ जाने क्रममा पुर्व राजा शाहलाई सयौँ राजवादी समर्थकहरुले फुलमाला तथा खादाले स्वागत गरेका हुन् ।

पुर्व राजा ज्ञानेन्द्र शाह तथा पुर्व रानी कोमल शाह केही दिन अघि निजी भ्रमणका लागि पोखरा आएका थिए । केही दिनको पारिवारिक भ्रमण सकि काठमाडौँ फर्कने क्रममा राजाको स्वागतका लागी सडकमा भेला भएका राजावादी समर्थकहरुले राजाका पक्षमा नाराबाजी समेत गरेका थिए ।

उनका समर्थकहरुले “राजा कस्को जनताको जनता कस्को राजाको”, “गाउँ घरमा हल्ला छ, राजा ल्याउने सल्लाह छ” लगाएतका नारा लगाएका थिए । उनि दमौलीको ट्राफिक चोकबाट भोर्लेटार चोक सम्म पृथ्वी राजमार्गमा हिडेर आफ्ना शुभचिन्तक र समर्थकहरु संग हिडेका थिए ।