मज्जाको न्युज पोखरा, ३२ जेठ / पोखरा रंगशालामा निर्माणाधीन बहुउद्देश्यीय कभर्ड हलमा खेलकुद सूचना केन्द्र स्थापना हुने भएको छ ।
आगामी १३ औं साग खेलकुद प्रतियोगितामा पोखरामा ७ खेल हुने पक्का भएपछि यसै अवसरमा खेल गतिविधिको समाचार सम्प्रेषणमा पत्रकारलाई सहज होस् भन्ने उद्देश्यले उक्त हलमा छुट्टै खेलकुद सूचना केन्द्र स्थापना हुने भएको हो । केन्द्र स्थापनाले आगामी दिनमा समग्र पश्चिमाञ्चल क्षेत्रको खेल गतिविधि सम्प्रेषणमा सहज पुग्ने अपेक्षा गरिएको छ ।
जिल्ला खेलकुद विकास समिति कास्कीले आयोजना गरेको नेपाल खेलकुद पत्रकार मंच कास्कीको नवनिर्वाचित पदाधिकारीलाई बधाई तथा शुभकामना कार्यक्रममा उक्त कुरा उद्घोष गरिएको हो । पश्चिमाञ्चल खेलकुद विकास समिति अध्यक्ष खगराज पौडेलले नवनिर्वाचित पदाधिकारीलाई सफल कार्यकालको शुभकामना दिँदै कभर्ड हल निर्माण सम्पन्न भएपछि मंचको माग बमोजिम उक्त खेलकुद सूचना केन्द्र स्थापना गरिने प्रतिबद्धता व्यक्त गरे । उनका अनुसार उक्त केन्द्रमा कम्तिमा ७ वटा कम्प्युटर राखी इमेल इन्टरनेट सुविधा दिइने बताए ।
यस विषयमा जिल्ला खेलकुद विकास समिति अध्यक्ष यामबहादुर गुरुङले पनि सहमति जनाउँदै सक्रियतापुर्वक लाग्ने बचन दिए। उनले यसबारेमा आफूले यसअघि नै राखेपसँग पहल गरिरहेको जानकारी दिए । कार्यक्रमका प्रमुख अतिथि पौडेलले राजधानीबाहिर सबैभन्दा बढी पोखराका पत्रकारले सक्रियरुपमा खेल गतिविधिलाई मिडियामा ल्याउने गरेको बताए । उनले पत्रकार र आफूहरु नङ र मासुको सम्बन्धको रुपमा रहेको उल्लेख गरे ।
जिल्ला अध्यक्ष गुरुङले पोखरा खेलकुदको उर्वरभूमि रहेको बताउँदै समग्र खेल गतिविधिमा नयाँ कार्यसमिति सक्रिय भइ लाग्नेमा शुभकामना दिए । जिल्ला र क्षेत्रीयमा नयाँ पदाधिकारी आइसकेपछि आफूहरुले खेलकुदका पूर्वाधार निर्माणमा तीब्रता दिएको बताए । उनले बुधबार पोखराको मालेपाटनस्थित मालेपाटन खेल मैदान निर्माणको शिलान्यास गरिने जानकारी समेत दिए ।
खेलकुद पत्रकार मंच कास्की अध्यक्ष केशव पाठकले २०५७ सालमा मंच स्थापना भएपछि समग्र खेल गतिविधि उजागर गर्ने प्रयासमा मंच लागीपरेको बताए । आगामी साग खेल तयारी रहँदा यहाँ मिडिया सेन्टर स्थापना हुनुपर्नेमा जोड दिँदै पोखरा स्पोर्टस् अवार्डम नयाँ कार्यसमितिलाई थप चुनौती थपिएको बताए ।
उक्त अवसरमा मंचका पदाधिकारीलाई क्षेत्रीय अध्यक्ष पौडेल र जिल्ला अध्यक्ष गुरुङले माला र अविर लगाएर बधाई तथा सम्मान गरेका थिए । साथै राष्ट्रिय बायो लोकदोहोरी अवार्डअन्तर्गत दोहोरी साँझ गायक विधामा उत्कृष्ट हुन सफल लोकदोहोरी गायक जीवन दाहाललाई पनि सम्मान गरिएको थियो ।
कार्यक्रम संचालन जिल्ला खेलकुद विकास समितिका कार्यालय प्रमुख प्रकाश बरालले गरेका थिए ।
This will close in 3 seconds
सम्बन्धित खबर
लामाचौर कप भलिबलमा पुरूषतर्फ पुलिस च्याम्पियन, सञ्जु सर्वोत्कृष्ट
लामाचौर कप भलिबलः महिला तर्फको उपाधि एपिएफलाई, न्यू डायमण्ड पराजित
लामाचौर कप भलिबलः डिफेन्डिङ च्याम्पियन गण्डकी सबैभन्दा कमजोर, गल्कोट तेस्रो
लामाचौर भलिबलः महिलातर्फ एभरेष्ट बुटवल तेस्रो, गण्डकी प्रदेश पराजित
प्रथम अन्तर क्लब ह्याण्डबलको उपाधि मनकामनालाई
सशस्त्रको एपीएफ महिला र पुरूष दुवैतर्फ फाइनलमा, न्यू डायमण्ड र पुलिससँग उपाधि प्रतिष्पर्धा
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग