गण्डकी प्रदेशसभामा बागलुङ–२ (ख) बाट निर्वाचित सांसद टेकबहादुर घर्तीको उपचारका क्रममा भारतको नयाँ दिल्लीमा बिहीबार निधन भएको छ ।
जन्डिसबाट पीडित ४६ वर्षीय घर्तीलाई उपचारका लागि मङ्गलवार एअरएम्बुलेन्सबाट नयाँ दिल्लीस्थित एपोलो अस्पताल लगिएको थियो । लामो समयदेखि बिरामी परेका घर्ती मङ्सिर पहिलो साता गम्भीर भएपछि पोखराको फेवा सिटी अस्पतालमा चार दिनसम्म उपचार गरिएको थियो । तर सुधार नभएपछि मङ्सिर ८ मा काठमाडौँको ग्रान्डी अस्पताल लगिएको र त्यहाँ पनि उपचार हुन नसकेपछि भारत पुर्याइएको थियो । उनको कलेजो प्रत्यारोपणको तयारी हुँदै थियो ।
घर्तीको शव गृह जिल्लामा ल्याइँदै गरेको प्रदेशसभामा राष्ट्रिय जनमोर्चाको संसदीय दलको नेता कृष्ण थापाले बताए । ‘बिहीबार दिउँसो १ बजेतिर उहाँको निधन भयो’, थापाले भने, ‘शव ल्याउने काम भइरहेको छ । यहाँको अन्तिम संस्कार गर्ने बारे छलफलमा छौँ ।’ घर्ती राष्ट्रिय जनमोर्चाबाट प्रत्यक्ष निर्वाचित सांसद हुन् । एमाले माओवादीसँगको तालमेलमा उनले जित हात पारेका थिए ।
ढोरपाटन नगरपालिकाको अधिकारीचौर घर भएका घर्तीका श्रीमती, चार छोरी र दुई छोरा छन् ।
सम्बन्धित खबर
शान्ति निकेतनमा ‘ईन्टरहाउस म्याथ क्वीज’, कञ्चनजंघा प्रथम
करेन्ट लगाएर माछा मार्ने वडा सदस्य सहित पाँच जना पक्राउ
बागलुङमा चट्याङ लागेर १ जनाको मृत्यु
लोमान्थाङमा स्याउ खेती हुन थाल्यो
एमाले नेता अर्जुनलाई मातृशोक
स्याङ्जामा विविध कार्यक्रमसहित संविधान दिवस मनाइयो
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग