पोखरा, २० कार्तिक ।
पोखरामा मादकपदार्थ सेवन गरेर अर्कैको ट्याक्सी लिएर भाग्दा एक युवकको ज्यान गएको छ ।
सोमबार राती मादकपदार्थ गरेर सुतेका पोखरा २१ कृस्तिका २४ बर्षीय सुमन पौडेलले अर्कैको ट्याक्सी चलाएर हिँड्दा दुर्घटनामा परि ज्यान गुमाएको वडा प्रहरी कार्यालय बैदामका डिएसपी नविन कार्कीले बताए।
पोखरा – ७ शान्तिनगर स्थित राजु कुँवरको ग्यारेजमा काम गर्ने पौडेल सोमबार राती ट्याक्सी चालकसँगै शान्तिनगरमा मादकपदार्थ सेवन गरि सुतेका थिए । ट्याक्सी चालक राजु थापा सधैं ट्याक्सी पार्किंग गर्ने ठाउमा ट्याक्सी पार्किंग गरेर पौडेलसँगै मापसे गरेर सुतेकोमा पौडेलले सुटुक्क ट्याक्सीको चाब लिएर हिँडेको चालकलाई उदृत गर्दै डिएसपी कार्कीले बताए ।
पौडेलले लिएर हिँडेको ग १ ज ५४३ नम्बरको उक्त ट्याक्सी पोखरा (२२ पुम्दी भुम्दी स्थित फलेंटेमा दुर्घटना हुदाँ उनको घटनास्थलमै ज्यान गएको हो । ट्याक्सी सडकबाट करिब १ सय मिटर तल खसेको छ ।
मादकपदार्थ सेवन गरेका उनले बेसुरमा वा अन्य कुनै मनसायले ट्याक्सी लिएर हिँडेका थिए भन्ने कुरा खुल्न बाँकी रहेको डिएसपी कार्कीले बताएका छन् ।
यद्यपि घटनाका बारेमा यसअघी ट्याक्सी चोरिएको र हराएको भन्ने जस्ता कुराहरु जोडिन आएकाले थप अनुसन्धान भइरहेको डिएसपी कार्कीले जनाए ।
पोखरा न्युजको सहयोगमा अद्यावधिक ।
तस्विरः कुशल बरालको फेसबुकबाट
सम्बन्धित खबर
एमाले नेता अर्जुनलाई मातृशोक
नेपालमै पहिलो पटक पोखरामा इन्टरनेशनल बलुन फेस्टिभल हुने
कास्की जिल्ला शुटिङ संघको अध्यक्षमा राजु श्रेष्ठ
रूपा रिङरोड दोस्रो खण्डको शिलान्यास, ४७ करोडमा बन्ने
हिसान कास्की अध्यक्षमा हिल पोइन्टका दिवाकर, सचिवमा प्रतिभाका किरण
गण्डकीका भौतिक पूर्वाधार मन्त्री केसीले गरे चौर अम्बोट झोलुङ्गे पुलको उद्घाटन
यो पनि पढौँ
स्याङ्जामा विवाहकै दिन बेहुलाबेहुली पक्राउ
जनकपुरको होटलमा बेहोस भेटिएकी पोखराकी युवतीको मृत्यु, सँगै बसेका २ युवक फरार
आँखामा राख्दा पनि नबिझाउने ‘बिनोद सर’ अब सम्झनामा
बालकुमारीमा मारिएकाका परिवारलाई कोरियाबाट आर्थिक सहयोग