पोखरा– पोखरा महानगरपालिका ६, लेकसाईड घर भएका २७ बर्षिय सुरज नेपाली एक सातादेखि वेपत्ता भएका छन ।

केहि महिनादेखि पोखराकै बिरौटास्थित डेरामा बस्दै आएका उनी गत १० गते राति खाना खाएर सुतेकोमा बिहान उठ्दा नभेटिएका परिवारले बताएका छन । ‘राति खाना खाएर दश बजेसम्म टिभी हेरेर सुत्न जानुभएको थियो,’ श्रीमति संगिताले भनिन ‘बिहान उठ्दा ढोका खुल्ला थियो । चारैतिर खोजियो कहि कतै फेला पार्न सकिएन ।’

गहुँगोरो बर्णका सुरजले घरबाट निस्कदा सेतो हाफ पाईन्ट, रातो र सेतो मिक्स टिसर्ट र कलेजी रङ्गको चप्पल लगाएका श्रीमति संगिताले बताईन । अन्दाजी पाँच फुट पाँच ईन्च अग्लो सुरजको दाहिने खुट्टाकाृ पिडौलामा काटेको खत भएको परिवारले बताएका छन ।

सुरजले तीन बर्षअघिदेखि मानसिक सन्तुलनमा समस्या देखिएकोले त्यसको औषधि सेवन गरिरहेका परिवारले वताएका छन । उनी कहि कतै बाटोमा असामान्य अवस्थामा भेटिएमा नजिकको प्रहरी चौकी वा फोन नं ९८०६६५८२५९ र ९८०४१४४००१ मा खवर गरिदिन वुवा होमबहादुरले सबैसँग अनुरोध गरेका छन । परिवार र आफन्तले पोखरा आसपासका क्षेत्रमा दिनरात खोजि गर्दा पनि फेला नपरेपछि निरास बन्न पुगेका छन ।