पोखराको पृथ्वीनारायण क्याम्पसमा स्ववियु चुनावअन्तर्गत मतगणना जारी छ । आइतबार भएको निर्वाचनको मतगणना सोमबार बिहान ९ बजेबाट सुरू भएको हो ।

जारी मतगणनामा नेकप (एमाले) निकट अनेरास्वविुले सुरूआती अग्रता लिएको छ। २ सय मत गन्दा अध्यक्ष पदमा अनेरास्ववियुका विष्णु पोखरेलले ८७ मत प्राप्त गरेका छन् ।

नेपाली कांग्रेस निकट नेविसंघका सुशील न्यौपानेले ३८, स्वतन्त्र उम्मेदवार विप्लवी न्यौपानेले २४, अखिल क्रान्तिकारीका नवीन अधिकारीले १७, संयुक्त प्यानलका तर्फबाट सन्तोष पौडेलले १२ र प्राज्ञिक परिषद्का उम्मेदवार दिप्सन सुरूङले ४ मत प्राप्त गरेका छन्। अ

ध्यक्षका अर्का स्वतन्त्र उम्मेदवार कमल सुवेदीले ९ मत ल्याएका छन् । सचिवमा एमाले अखिलका विराट दुवाडी र कोषाध्यक्ष सन्दीका गुरूङले पनि अग्रता बढाएका छन् ।

पृथ्वीनारायण क्याम्पसमा चैत ५ गते नै स्ववियु निर्वाचन तय भएको थियो । तर मतपत्रमा अखिल छैठौंको मत संकेत गर्ने ठाउँमा कोष्ठक चिह्न नै नभेटिएपछि मतदान रोकिएको थियो। ६ गते गर्ने भनिएकोमा त्यस दिन पनि हुन सकेन ।

आइतबार भएको मतदानमा २८९७ विद्यार्थीले मतदान गरेका थिए। देशकै ठूलो क्याम्पस पिएनमा ९२७० जना विद्यार्थी अध्ययनरत छन् । विद्यार्थी अध्ययन गर्ने देशकै सबैभन्दा ठूलो क्याम्पस पिएनमा नेकपा एमाले निकट अनेरास्ववियुको वर्चश्व कायम रहँदै आएको छ । सुरुआती मत परिणाम हेर्दा विरासतलाई निरन्तरता दिने देखिन्छ ।