पोखरा। फागुन २९ गते देखि चैत दुई गते सम्म आर्वामा सञ्चालन भएको प्रथम अमलाचौर चापडाँडा भेट्रान्स भलिबल प्रतियोगिताको उपाधी युनाईटेड किङ्ग क्लब पोखराले हात पारेको छ ।

१० भलिबल समूहहरुले भाग लिएको सो प्रतियोगीतामा शनिवार भएको फाईनल खेलमा दमौली साँगे समुहलाई सोझो सेटमा युनाईटेड किङ्गले पराजीत गरी उपाधि चुमेको हो ।

उपाधी संगै युनाईटेडले नगद ४० हजार शिल्ड, मेडल तथा प्रमाणपत्र प्राप्त गऱ्यो भने उपविजेता दमौली साङ्गे क्लबले नगद २५ हजार प्राप्त गरेको छ ।

अमलाचौर चापडाँडा टोल बिकाश संस्था तथा स्थानिय उत्साही युवाहरुको आयोजनामा भएको प्रतियोगीतामा बिभिन्न माध्यमबाट सहयोग पुऱ्याउने व्यक्ति तथा संस्थाहरूलाई सम्मान गरिएको कार्यक्रम संयोजक देबेन्द्र परियारले जानकारी दिए ।

समापन कार्यक्रमको अध्यक्षता अमलाचौर चापडाँडा टोलबिकाश संस्थाका अध्यक्ष इन्द्रराज बरालले गरेका थिए भने प्रमुख अतिथि पोखरा महानगर पालिका वडानं १३का जनप्रतिनिधि बलबहादुर बराल, बिशेष अतिथि सुचित तामाङ्ग, रजनी परियर लगायतले विजेता, उपविजेतालाई लगायतलाई पुरस्कार एवं सम्मान प्रदान गरेका थिए ।