शुक्रबार, ७ मंसिर २०८१
शुक्रबार, ७ मंसिर २०८१
काठमाडौं । एसिड आक्रमणमा परी गम्भीर घाइते रौतहटकी १८ वर्षीया सम्झना दासको आइतबार राति निधन भएको छ । गत भदौ २६ गते राति सम्झना र उनकी बहिनी सुस्मितामाथि सुतिरहेका बेला एसिड प्रहार भएको थियो । घटनाको बाह्रौं दिनमा सम्झनालाई अस्पतालले मृत घोषणा गरेको हो । एसिडले सम्झनाको शरीरको ३५ प्रतिशत भाग जलेको थियो । आक्रमणमै परेकी १५ वर्षीया सुस्मिताको उपचार भइरहेको छ ।
चन्द्रपुर अस्पतालबाट रिफर गरी दुवै दिदीबहिनीलाई काठमाडौं ल्याइएको थियो । अस्पतालमा सम्झनाका बुवा जादोलाल थिए । उनीसँगै जो छिमेकी कुरुवा बसेका थिए, तिनै ५० वर्षीय रामबाबु पासवानले एसिड प्रहार गरेको प्रहरीको दाबी छ ।
पासवानको हातमा एसिडले जलेको चिह्न थियो । उनले लगाएको चप्पलमा पनि एसिड परेको चिह्न भेटिएको थियो । त्यसपछि प्रहरीले शंका गरी अनुसन्धान थालेको हो । उनले सुरुमा इन्कार गरे । उनलाई बचाउन जाँदा पोलेको भनेर प्रहरीलाई बताएको उनका छिमेकीले जानकारी दिए ।
प्रहरीका अनुसार यौन प्रस्ताव नमान्दा एसिड खन्याएको उनले स्विकारेका छन् । ५० वर्षीय पासवानले बारम्बार यौन प्रस्ताव राखे पनि सम्झनाले वास्ता नगर्दा एसिड प्रहार गरेका हुन् । सम्झनाले यो कुरा होसमा हुँदा बुवालाई पनि सुनाइसकेकी थिइन् । परिवारका अनुसार दास दिदीबहिनी भने पासवानलाई ठूलोबुवा मान्ने गर्थे । कान्तिपुर दैनिकमा खबर छ ।
This will close in 4 seconds
सम्बन्धित खबर
पाँच दिनभित्र १९ अर्ब नबुझाए एनसेलको लाइसेन्स स्वतः रद्ध
सहरी योजना आयोगका उपाध्यक्ष र दुई सदस्यले मेयर आचार्यलाई बुझाए राजीनामा
पोखरा स्वास्थ्य विज्ञान प्रतिष्ठानमा एमबीबीएस पढाइ हुने
मित्रमिलन सहकारीको बचत फिर्ता योजनाको प्रस्ताव
सहकारीको हविगतमा पुग्दै एनआईसी एसिया
पूर्व सहकारी रजिस्ट्रार पराजुली १ करोड ५ लाख घुस खाएको खुलेपछि फरार
यो पनि पढौँ
तनहुँ दुर्घटना: बस चालककाे मृत्यु, ३० घाइते [नामावलीसहित]
पोखरा हेम्जामा मध्यराती दुर्घटना हुँदा दोहोरी गायक किरण अधिकारीको मृत्यु
तनहुँको गोरेचौतारामा दुई बस ठोक्किँदा २९ जना घाइते
पोखरामा रिसोर्टको जग खन्ने क्रममा पुरिएर मजदुरको मृत्यु, चार घाइते