रोल्पा । रोल्पामा जीप दुर्घटना हुँदा एक महिलाको मृत्यु भएको छ । २ जना घाइते भएका छन्।

हिजो बेलुका लु १ च ९४०६ नम्बरको जीप त्रिवेणी गाउँपालिका–७ गाङमा दुर्घटनामा हुँदा गंगादेव गाउँपालिकाको घोरनेटा निवासी २९ वर्षीया सीता खड्काको मृत्यु हो ।

दुर्घटनामा सीताका दुई छोराहरु तीन वर्षका सौरभ र १८ महिनाका सुप्रिम वली गम्भीर घाइते भएको भएको जिल्ला प्रहरी कार्यालय रोल्पाले जनाएको छ ।

घाइते बालकहरुको स्थानीय गैरीगाउँ स्वास्थ्य चौकी तिलामा प्राथमिक उपचारपछि थप उपचारका लागि रोल्पा जिल्ला अस्पताल रेउघा पठाइएको थियो । त्यहाँ पनि उपचार सम्भव नभएपछि थप उपचारका लागि दाङको घोराहीमा रहेको राप्ती स्वास्थ्य विज्ञान प्रतिष्ठानमा रिफर गरिएको छ ।

जीपमा चालक, सहचालक, ज्यान गुमाउने सीता र उनका दुई छोरा गरी पाँच जना थिए ।

घटनापछि चालक र सहचालक फरार छन् । उनीहरुको खोजी भइरहेको प्रहरीले जनाएको छ ।