नेपाली कांग्रेसका सभापति शेरबहादुर देउवा एमालेसँगको सहकार्य ०८४ को निर्वाचनसम्मै कायम हुनेमा निश्चिन्त छन् । उनले आफूलाई भेट्न आउने नेताहरुसँगपनि अहिले सरकार दायाँबायाँ नहुने र कांग्रेस–एमाले सहकार्य ०८४ को निर्वाचनसम्म नै कायम रहने बताउने गरेका छन् ।
आज (शनिबार) आफूलाई भेट्न आएका नेताहरुसँगको भेटवार्तामा देउवाले एमालेलाई धोका नदिने अडान दोहोर्याएका थिए । भेटमा सहभागी एक नेताका अनुसार देउवाले अहिले सरकारले ठीक ढंगले काम गरेको भन्दै सरकारको विकल्प खोज्नेबारे सोच्न नसकिने बताएका हुन् ।
देउवाको भनाई उद्धृत गर्दै ती नेताले भने,‘सरकार ठीक ढंगले चलेको छ । हामी ७ बुँदेप्रति इमानदार छौं । सहमतिबाट म दायाँबायाँ हुन्नँ । कसैको दबाबले यो सरकार ढाल्ने पक्षमा म छैन । म बाट केपी ओलीलाई कुनै हालतमा धोका हुँदैन ।’
कांग्रेसकै कतिपय प्रभावशाली नेताहरुले एमालेसँगको सहकार्यबारे प्रश्न उठाइरहेको बेलामा सभापति देउवा भने एमालेसँगको सहकार्य सहमतिबमोजिम जानेमा ढुक्क छन् । उनले ओलीपछि आफूले सरकारको नेतृत्व लिने र आफ्नै नेतृत्वमा आम निर्वाचन सम्पन्न गरेर सक्रिय राजनीतिबाट आफूले विश्राम लिने पनि सुनाउने गरेका छन् ।
This will close in 4 seconds
सम्बन्धित खबर
अवकाश हुन दुई घण्टाअघि सशस्त्रका चार डीआइजीको एक वर्ष म्याद थप
एमालेमाथिको आक्रमणको प्रतिवाद गर्न अध्यक्ष ओलीको निर्देशन
नेपाल–चीन सीमा केन्द्रबिन्दु भएर ७ म्याग्निच्यूडको भूकम्प
तराईमा कुहिरो, हिमाली क्षेत्रमा हिमपात
उपचार नपाएर बाटोमै शिशुसहित सुत्केरीको मृत्यु
चर्को आलोचना भएपछि एनसेलले सुटुक्क पहिले जस्तै बनायो रिचार्जको म्याद
यो पनि पढौँ
चर्को आलोचना भएपछि एनसेलले सुटुक्क पहिले जस्तै बनायो रिचार्जको म्याद
जोमसोममा झोलुङ्गे पुलबाट खसेर पोखराका युवकको मृत्यु
हराएको एक हप्तापछि जंगलमा मृत भेटिए किशोरकिशोरी
पर्वतमा ग्यास चुहिएर आगलागी हुँदा बृद्धाको मृत्यु