तनहुँ — बन्दीपुर केबलकारको लिग भाँचिएको छ । केबलकारको दुई नम्बर पोलसँगैको भागमा रहेको लिग भाँचिएर डिब्बा लत्रिन पुगेको छ ।
केबलकारको लिग भाँचिएर डिब्बा लत्रिएपछि कम्पनीले मर्मतका लागि भन्दै दुई दिन केबलकार सञ्चालन बन्द गरेको छ ।
लिगको तार चुँडेर तल लत्रिएपछि एउटा डिब्बा भुईँ नजिकै झुन्डिन पुगेको स्थानीयले बताएका छन् । डिब्बा खाली हुँदा मानवीय तथा अन्य भौतिक क्षति हुन पाएन ।
लिग र डिब्बा लत्रिँदा ठूलो आवाज आएको र स्थानीयले के भएछ ? भनी हेर्दा केबलकारको डिब्बा खसेको अवस्थामा भेटेका थिए । केबलकारमा केही समस्या आएकाले प्राविधिकहरू पोलमा चढाएर काम भइरहेको बताइएको छ ।
यस्तै, केबलकारमा समस्या आएपछि आज र भोलि बन्द गरिएको छ । केबलकारको सेवा थप चुस्त र दुरुस्त बनाउन टीयुभी अन्तर्गत केही विद्युतीय प्रणालीमा स्तरोन्नति गर्नुपर्ने भएकाले बन्द गरिएको बन्दीपुर हिलका अध्यक्ष रामचन्द्र शर्माले जानकारी गराएका छन् ।
‘बन्दीपुर हिलले आज सूचना जारी गर्दै यसबाट यात्रु तथा पर्यटकलाई पर्न गएको असुविधा प्रति क्षमा प्रार्थी छौं,’ भनेको छ । स्काइ साइक्लिङ, जिपलाइन सेवा र ड्राइभ इन रेस्टुरेन्टको सेवा भने नियमित रूपमा सञ्चालनमा रहने बन्दीपुर हिलका अध्यक्ष शर्माले बताए ।
This will close in 4 seconds
सम्बन्धित खबर
चार पटक म्याद थप्दासमेत सडक कालोपत्रे नभएपछि स्थानिय आन्दोलित
प्रधानमन्त्री ओली र कांग्रेस महामन्त्री गगन थापाविरुद्ध रास्वपा समर्थकको नाराबाजी
म्याग्दीको पर्यटकीयस्थल घोडेपानीमा हिमपात
तरकारीखेती गरेर जीविकोपार्जन गर्दै बागलुङका किसान
लमजुङमा चार सय मेट्रिक टन सुन्तला उत्पादन
हराउँदै गयो गुन्द्री बुन्ने चलन
यो पनि पढौँ
चर्को आलोचना भएपछि एनसेलले सुटुक्क पहिले जस्तै बनायो रिचार्जको म्याद
जोमसोममा झोलुङ्गे पुलबाट खसेर पोखराका युवकको मृत्यु
हराएको एक हप्तापछि जंगलमा मृत भेटिए किशोरकिशोरी
पर्वतमा ग्यास चुहिएर आगलागी हुँदा बृद्धाको मृत्यु