सहकारी ठगी प्रकरणः

गण्डकी प्रदेशसभाकी पूर्व सांसद गुरुङ पक्राउ

गुरुङ सदस्य रहेको समितिबाट रकम अपचलन भएकाले उनी पनि प्रतिवादी बनेकी हुन्

गण्डक न्यूज मङ्गलबार, ९ पौष २०८१

गण्डक न्यूज

९ पौष २०८१

गण्डकी प्रदेशसभाकी पूर्व सांसद मीना गुरूङ पक्राउ परेकी छन् ।

सूर्यदर्शन सहकारीको रकम ठगी एवं अपचलन आरोपमा गुरूङलाई मंगलबार दिउँसाे घरबाट पक्राउ गरेकाे हाे ।

गुरुङ २०६५ देखि २०६८ सम्म सूर्यदर्शन सहकारीकी सञ्चालक समिति सदस्य थिइन् । उनी रहेको समितिले ५३ लाख ७६ हजार ३०८ रुपैयाँ र २६ लाख ७७ लाख ४०१ रुपैयाँ गरी दुई पटक अपचलन गरेको प्रहरीले निष्कर्ष निकालेको छ ।

समितिको कार्यकालमा सहकारी सञ्चालनको मूल्य मान्यताविपरीत बचतकर्ताको हितविपरीत व्यक्तिगत लाभका लागि बचत रकम गरी सो ऋण रकम असुलउपर समेत नगरी हिनामिना गरेको ठहर छ ।

उनी सदस्य रहेको समितिबाट रकम अपचलन भएकाले उनी पनि प्रतिवादी बनेकी हुन् ।