पोखरेलीको करबाट जनप्रतिनिधिको सन्तानलाई डाक्टर पढाउने निर्णयबाट पोखरा महानगर पछि हट्यो

गण्डक न्यूज सोमबार, ८ पौष २०८१

८ पौष २०८१

पोखरा महानगरपालिकाले जनप्रतिनिधि र कर्मचारीका एमबिबिएस पढ्ने छोराछोरीलाई छात्रवृत्ति उपलब्ध गराउने विवादास्पद निर्णय तत्कालका लागि स्थगित गरेको छ ।

निर्णयको जनप्रतिनिधिदेखि चौतर्फी आलोचना भएपछि सोमबार निर्णय स्थगित गरिएको महानगरले जानकारी दिएको छ ।

गत ४ गते महानगरले यस्तो आह्वान गरेको थियो ।

महानगरले जनआन्दोलनका सहिदका छोराछोरीलाई प्रतिव्यक्ति बर्सेनि १० लाख रुपैयाँ प्रदान गर्दै आएको थियो । सहिद भीमसेन दाहालका छोराले यो सुविधा तीन वर्षसम्म पाउँदै ३० लाख लिइसकेका छन् । यस वर्ष उनलाई अन्तिम पटक १० लाख उपलब्ध गराउने तयारी गरिएको छ ।

यसपटकदेखि कार्यविधि संशोधन गरी जनप्रतिनिधिकै सन्तानले पनि पाउने गरी आफ्नो हितमा अगाडि बढेको भन्दै मेयर धनराज आचार्य आलोचित बनेका छन् ।