मानव बेचबिखन विरुद्धकी अभियन्ता सुनिता दनुवारको निधन

गण्डक न्यूज सोमबार, ८ पौष २०८१

गण्डक न्यूज

८ पौष २०८१

पोखरा । मानव बेचबिखन विरुद्धकी अभियन्ता सुनिता दनुवारको निधन भएको छ ।

काठमाडौँको जोरपाटीस्थित आफ्नै निवासमा उनी सुतेकै स्थानमा अचेत अवस्थामा फेला परेकी थिइन् ।

पारिवारिक स्रोतका अनुसार उनको जोरपाटीस्थित नेपाल मेडिकल कलेजमा निधन भएको हो । सुतेकै ठाउँमा अचेत फेला परेकी उनलाई परिवारका सदस्यले तुरुन्त अस्पताल लगेका थिए । उनको मृत्युको कारण खुल्न सकेको छैन ।

सुनिता मानव बेचबिखनबाट प्रभावित महिलाहरुको अगुवाइमा स्थापित शक्ति समूहकी अध्यक्षसमेत हुन् ।

उनलाई अमेरिकाको फर्च्युन म्यागेजिनले विश्वका ५० विशेष नेतृत्वकर्ताको सूचीमा राखेको थियो । दनुवारलाई अमेरिकी विदेश मन्त्रालयले सन् २०१८ मा ‘टप हिरो’ को रूपमा सम्मानसमेत गरेको थियो ।

पछिल्लो समय उनी सुनिता फाउण्डेशन स्थापना गरेर यही संस्थामार्फत बेचबिखनविरुद्ध क्रियाशील थिइन् ।