आइतबार, २१ पौष २०८१
आइतबार, २१ पौष २०८१
पोखरा । गण्डकी प्रदेशका सामाजिक विकास, युवा तथा खेलकुद मन्त्री विन्दु कुमार थापाले स्व.डिल बहादुर गुरुङको आदर्श र योगदानलाई पछिल्लो पुस्ताले अनुसरण गर्नुपर्ने बताएका छन् ।
नेपाली काँग्रेस कुश्मा नगरपालिका वडा नं १४ द्धारा पोखरामा सोमबार आयोजित स्व. गुरुङ्गको श्रद्धाञ्जली कार्यक्रममा बोल्दै मन्त्री थापाले सो कुरा बताएका हुन् ।
उनले स्व.गुरुङप्रति श्रद्धाञ्जली व्यक्त गर्दै समाज र पार्टीको विकासका लागि पु¥याएको योगदानको चर्चा गर्नुहुदै राजनीतिलाई पद र प्रतिष्ठा भन्दा पनि समाजको परिर्वतनको मुल नीतिका रुपमा लैजानुपर्छ भन्ने स्व. गुरुङको सोचलाई पुरा गर्ने जिम्मेवारी हामीमा आएको बताए ।
कार्यक्रममा नेपाली काँग्रेस पर्वतका सभापति युवराज जोशीले स्व. गुरुङको राजनीति सोच र व्यक्तित्वले काँग्रेसलाई सधैँ अभिभावकत्व दिईरहेको अवस्थामा उनको निधनले पार्टीलाई ठूलो क्षति भएको बताए ।
गण्डकी प्रदेशका सांसद रेखा गुरुङले स्व. गुरुङ राजनीतिक चिन्तकमात्र नभई समाजिक अभियान्ताका रुपमा रहनुभएको स्मरण गरे ।
पर्वत काँग्रेसका नेता नवराज गुरुङले स्व.गुरुङ बिकासप्रेमी नेता रहनुभएको बताए ।
कार्यक्रममा स्व. गुरुङका कान्छा छोरा शेरबहादुर गुरुङले आफ्ना पिताले परिवारलाई मात्र नभई समाजलाई नै संस्कार दिएर जानुभएको बताए । उनी सबै क्षेत्रमा प्रेरणाको श्रोतका रुपमा रहनुभएको गुरुङले बताए ।
पर्वत जिल्ला साविक आर्थरडाँडा घर भई हाल पोखरा महानगरपालिका शिवालयचोक बस्दै आउनुभएका स्व.गुरुङ नेपालको प्रजातान्त्रिक आन्दोलनका अगुवा नेता एवं काँग्रेस बुढाका नाममा प्रख्यात थिए ।
वडा नं १४ का अध्यक्ष रुद्रमोहन रिमालले तत्कालीन समयमा स्व. गुरुङ नेपाली काँग्रेसको मियोको रुपमा रहेको स्मरण गर्दै उहाँको निधनले काँग्रेसलाई ठूलो क्षति पुगेको बताए ।
गण्डकी प्रदेशका सांसद पञ्चराम गुरुङ, पूर्व सांसद लालकाजी गुरुङ, नेपाली काँग्रेस गण्डकी प्रदेशका संचार विभाग प्रमुख एवं नेपाल पत्रकार महासंघ गण्डकीका अध्यक्ष रमेश पौडेल, नेपाली काङ्ग्रेसका उपसभापति शिव सुवेदी, क्षेत्रिया सभापति राजकुमार केसी, नगर सभापति किशोर भण्डारी लगायत स्व.गुरुङप्रति श्रद्धाञ्जली व्यक्त गरे ।
This will close in 4 seconds
सम्बन्धित खबर
भारतले ढाल्नै चाहेपनि कांग्रेस-एमाले सरकार ढल्दैन: मुख्यमन्त्री पाण्डे
सूर्योदय र सूर्यास्त हुँदाको आनन्द लिन सकिने कास्कीकाे कोरीडाँडा
प्रतिभा माविमा गणित हाजिरीजवाफ प्रतियोगिता
सफल प्रिमियम गाईको घ्यू बजारमा उपलब्ध
आधुनिक दासत्व र मानव तस्करी विरुद्ध एक होऔँः प्रदेश प्रमुख भट्ट
सूर्यदर्शन सहकारी ठगीमा प्रतिवादीतर्फका कानुन व्यवसायीको बहस निरन्तर
यो पनि पढौँ
ढुंगाले लागेर आमाको ज्यान गएपछि बेहोस भएकी छोरीको पनि मृत्यु
परीक्षा बिग्रिएपछि विष खाएका तीन छात्रामध्ये एकको मृत्यु
क्यानडामा सडक दुर्घटनामा परेर नेपाली विद्यार्थीको मृत्यु
ईमर्जेन्सी ढोका खोल्दा यात्रुलाई तिराइएको क्षतिपूर्ति रकम वृद्धाश्रमलाई