मत परिणामः

मोलुङ ५ मा काँग्रेसको स्थानमा एमाले उम्मेदवार निर्वाचित

रास्वपा तेस्रो, माओवादीको जम्मा २३ मत

गण्डक न्यूज आइतबार, १६ मंसिर २०८१

गण्डक न्यूज

१६ मंसिर २०८१

ओखलढुंगा जिल्लाको मोलुङ गाउँपालिका वडानम्बर ५ मा एमाले उम्मेदवार निर्वाचित भएका छन् ।

एमाले उम्मेदवार गंगाबहादुर तामाङ कांग्रेस उम्मेदवार घनश्याम दाहाललाई पराजित गर्दै निर्वाचित भएका हुन् । वडामा १२ सयभन्दा बढी मतदाता रहेकोमा ७६८ मतमात्र खसेको थियो ।

तामाङले ३९९ मत ल्याउँदा दाहालले १७७ मतमात्र पाएका छन् ।

त्यस्तै, रास्वपा उम्मेदवार विष्णुप्रसाद पोखरेलले १५१ मत प्राप्त गरेका छन् । नेकपा माओवादी केन्द्रका उम्मेदवार मान बहादुर सुनुवारले २३ मत प्राप्त गरेका छन् । त्यहाँ यसअघि २०७९ को निर्वाचनमा कांग्रेसका गोपी कार्की निर्वाचित भएका थिए ।