पोखरा वडा नं. १३ मा घरघरमै पुगी सामाजिक सुरक्षा भत्ता नविकरण

गण्डक न्यूज शुक्रबार, ७ भाद्र २०८१

७ भाद्र २०८१

पोखराको वडा नं. १३ कार्यालयले अपाङ्गता भएका, अशक्त तथा ज्येष्ठ नागरिकहरूको घरघरमै पुगेर सामाजिक सुरक्षा भत्ता नविकरण गर्ने जनाएको छ ।

वडा अध्यक्ष किरण बरालले अपांगता भएका, अशक्त भएका तथा ज्येष्ठ नागरिकको हितको लागि वडाले यो कार्य गरेको जनाएका छन् ।

उनले भनेका छन्ः ‘हामी अभिभावक हौँ र रहिरहनेछौँ । फेरि पनि अभिभावकत्व ग्रहण गर्ने अवसर पाएका छौँ । हाम्रो लागि स्वर्णिम अवसर हो । यसै सूचनालाई आधार मान्नु हुनेछ भनेर आशा गरेको छु । यसबाट सम्पूर्ण लाभान्वितहरूले आफ्नो फाइदा उठाउनु हुन हार्दिक अनुरोध गर्दछु ।’

वडाध्यक्ष बरालका अनुसार नाम दर्ता नगरेकाले वडामा पुगेर भदौ १४ गतेसम्म दर्ता गर्नुपर्नेछ । र, वडामा आएर सेवा लिन सक्नेले आगामी ३१ गतेसम्ममा दर्ता गराइसक्नु पर्नेछ ।