आईसीसी यु-१९ विश्वकप खेल्ने स्याङ्जाका खेलाडीलाई खुमा अर्याल फाउन्डेसनले सम्मान गर्ने भएको छ ।

खेलकुदमा स्याङ्जाको इतिहास रचेकोकोले विश्वकप खेल्ने तीनैजना महिला क्रिकेट खेलाडीलाई यहि मङ्सिर ५ गते फाउन्डेसनको छैठौं स्थापना दिवसको अवसरमा प्रोत्साहन स्वरुप जनही एक लाख रुपियाँ नगदसहित सम्मान गरिने फाउन्डेसनका सचिव ध्रुव शर्माले जानकारी दिए ।

स्याङ्जाका ज्योत्सनिका मरासिनी, सिमाना केसी र कुसुम गोदार साथै जिल्ला क्रिकेट संघ स्याङ्जाका अध्यक्ष दिवाकर थापालाई समेत सम्मान गरिने फाउन्डेसनले जनाएको छ ।

युएईमा भएको विश्वकप एसिया छनोटमा नेपाली टोलीले घरेलु टोलीलाई पराजित गर्दै उपाधि जितेर आईसीसी महिला यु-१९ टी – २० विश्वकप क्रिकेट प्रतियोगितामा स्थान पक्का गरेको थियो ।

यहि सन् २०२५ जनवरी १८ देखि २ फेब्रुअरिसम्म मलेसियामा विश्वकप प्रतियोगिता हुँदै छ ।