कालीकोट । कालीकोटमा जीप दुर्घटना हुदा ७ जनाको मृत्यु भएको छ । दुर्घटनामा १२ जना घाइते भएका छन् ।

आइतबार दिउँसो पलाँता गाउँपालिका–३ को राहुनेटा भन्ने ठाउँमा कप्र ००१ ज ५६ नम्बरको जीप दुर्घटना हुँदा ६ जनाको मृत्यु भएको जिल्ला प्रहरी कार्यालय कालीकोटले जनाएको छ ।

प्रहरीका अनुसार सारदा नगरपालिका १४ का ५१ वर्षीय जीप चालक धनीराम रावत, पलाता गाउँपालिका–६ का पदम बम, भगवती रोकाया, गणेश शाही, वडा नं ५ की छाया शाही र वडा नं ३ का दमन रोकायाको दुर्घटनामा मृत्यु भएको छ ।

यस्तै पलाता–६ का केशव थापा, किशोर थापा, विजय थापा, रिदिम शाही, प्रतीक्षा शाही, आशिष रोकाया घाइते भएका छन् । घाइते हुने अन्यमा भुपेन्द्र रोकाया, तलाता–३ बस्ने दानबहादुर रोकाया, निर्मला रोकाया, जगत रोकाया तथा ठेगाना नखुलेको चालक धनिराम रावत रहेका छन् । पलाता गाउँपालिका–५ बस्ने दोली विक र आयुशा विक पनि घाइते भएका छन् ।

घाइते १३ जनालाई उद्दार गरी उपचारका लागि हेलिकप्टरबाट कर्णाली प्रादेशिक अस्पताल कालगाउ सुर्खेत लगिएको छ ।

जिप भीरबाट करिब १०० मिटर तल खसेको प्रहरीले जनाएको छ।