नयाँ जिम्मेवारी

कम्पनी रजिष्ट्रार कार्यालयको रजिष्ट्रारमा प्रदीपराज अधिकारी

डेढ वर्ष रजिष्ट्रारको जिम्मेवारीवहन गरिसकेकाले अनुभवी मानिन्छन् ।

गण्डक न्यूज शुक्रबार, १४ असार २०८१

गण्डक न्यूज

१४ असार २०८१

नेपाल सरकारका सहसचिव प्रदीपराज अधिकारीले पुन: कम्पनी रजिष्ट्रारको जिम्मेवारी सम्हालेका छन् ।

उद्योग, वाणिज्य तथा आपूर्ति मन्त्रालयमातहतको त्रिपुरेश्वरस्थित कम्पनी रजिष्ट्रार कार्यालयले असार ५ गते बुधवारबाट नयाँ रजिष्ट्रार पाएको हो ।

गएको जेठ १९ गते देखि कार्यालय रजिष्ट्रारविहीन अवस्थामा रहेको थियो । हुलाक विभागको महानिर्देशकबाट सरुवा भएर मन्त्रालयमा भित्रिएका सहसचिव अधिकारीलाई मन्त्रालयले रजिष्ट्रारको जिम्मेवारीमा खटाएको हो ।

सहसचिव अधिकारीले यसअघि पनि डेढ वर्ष जति रजिष्ट्रारको जिम्मेवारीवहन गरिसकेकोले उनी अनुभवी कर्मचारी मानिन्छन् । यही आधारमा मन्त्रालयले उनै अधिकारीलाई कार्यालयको जिम्मेवारीमा खटाएको बुझिएको छ ।