पोखरा । जनप्रिय बहुमुखी क्याम्पसको २६ औँ साधारण सभा शनिबार सम्पन्न भएको छ ।
क्याम्पसका सम्मानार्थ संरक्षक रञ्जन तुलाचनले जनप्रियको शैक्षिक पिपलबोटले हजारौँ विद्यार्थीलाई शिक्षाको उज्यालो र शीतलता दिएकाले लोकप्रिय भएको बताए । उनले ३३ वर्ष सामुदायिक शिक्षामा निरन्तरता दिएको क्याम्पस अकबरी सुनजस्तै मूल्यवान् भएकाले आवश्यक परेको खण्डमा क्याम्पसलाई सहयोग गर्न प्रतिवद्ध रहेको जनाए ।
क्याम्पस सञ्चालक समिति अध्यक्ष वीरन्द्रनारायाण विजुक्छेले क्याम्पसलाई मानीत विश्वविद्यालय उन्मुख बनाउन नीतिगत, भौतिक र शैक्षिक सुधार गरेको जनाए ।
सभामा आर्थिक वर्ष २०८०/०८१ को आर्थिक प्रतिवेदन, आव २०८१/०८२ को प्रस्तावित बजेट कोषाध्यक्ष गणेशबहादुर अधिकारीले प्रस्तुत गरेको कोषाध्यक्षको प्रतिवेदन साधारणसभामा छलफलपछि पारित भएको छ ।
निमित्त क्याम्पस प्रमुख रमेशबहादुर खड्काले प्रस्तुत गरेको २०८०/०८१ वार्षिक प्रगति प्रतिवेदन र प्रस्तावित नीति तथा कार्यक्रम अनुमोदित भयो ।
सभामा संस्थापक उपाध्यक्ष हरिप्रसाद बराल, पूर्व कावा अध्यक्ष परशुराम बराल, सल्लाहकार डा. वीरबहादुर कार्की, सिनेटर शोभाकान्त न्यौपाने, बसन्त चालिसेलगायतले क्याम्पसलाई राजनीतिक रङ्गमञ्चभन्दा पर राखी दक्ष र श्रमबजारलाई चाहिने शैक्षिक जनशक्ति उत्पादनमा जोड दिनुपर्ने बताए ।
क्याम्पस सञ्चालक समिति अध्यक्ष वीरेन्द्रनारायण विजुक्छेको अध्यक्षतामा भएको कार्यक्रममा सिर्जना विकास केन्द्रका अध्यक्ष एवं क्याम्पस व्यवस्थापन समिति सदस्य विष्णुप्रसाद बरालले संचालन र उपाध्यक्ष ध्रुवराज चालिसेले धन्यवाद मन्तव्य व्यक्त गरे ।
सम्बन्धित खबर
जनप्रियलाई मानीत विश्वविश्वविद्यालय बनाउने प्रयास
पोखराका सडक सफा गर्न महानगरले ल्यायो एउटा ब्रुमर मेसिन
पोखरामा राँगोले हानेर ३७ वर्षीय धनञ्जयको मृत्यु
दशैँ तिहारमा पोखराका होटलमा ३० प्रतिशत छुट
पोखरामा चार पाङ्ग्रे स्कुटरलाई कारले ठक्कर दिँदा एक जना गम्भीर घाइते
युआरएलको अध्यक्षमा पन्थको निरन्तरता
यो पनि पढौँ
मानुङकोट घुम्न गएका पोखराका १३ युवाको समूहमाथि खुकुरी आक्रमण र लुटपाट गर्ने ५ पक्राउ
आँधीखोलामा दुई मोटरसाइकल ठक्कर खाँदा एकजना घाइते
दुई वटा हल्का विमान आपसमा ठोकिँदा ३ जनाको मृत्यु
काठमाडाैंदेखि पाेखरासम्म अर्जुनको दाैड